Издательский дом Редакция Подписка
Погода в Якутске: . 24 oC

Быйыл өрөспүүбүлүкэ үрдүнэн 49 тыһ гектар бааһынаҕа ыһыы ыытыллар. Ол иһигэр, бурдук 11 тыһ гектарга, сүөһү сиир култуурата 30,5 (биир сыллаах от 15,6 тыһ., элбэх сыллаах от 14 тыһ.) гектарга ыһыллыахтаах, хортуоппуй 6 тыһ., оҕуруот аһа 1,28 тыһ. гектар бааһынаҕа олордуллуохтаах.

Быйыл өрөспүүбүлүкэ үрдүнэн 49 тыһ гектар бааһынаҕа ыһыы ыытыллар. Ол иһигэр, бурдук 11 тыһ гектарга, сүөһү сиир култуурата 30,5 (биир сыллаах от 15,6 тыһ., элбэх сыллаах от 14 тыһ.) гектарга ыһыллыахтаах, хортуоппуй 6 тыһ., оҕуруот аһа 1,28 тыһ. гектар бааһынаҕа олордуллуохтаах.

Хаһаайыстыбалар сиик саптарыытын кэнниттэн тута ыһыыны саҕалаатылар. Тыа хаһаайыстыбатын уонна ас-үөл бэлиитикэтин министиэристибэтин Сиртэн үүнээнийи ылыыга, мелиорацияҕа уонна материальнай-тиэхиньиичэскэй хааччыйыыга департаменынын салайааччы Вячеслав Гаврильев маннык этэр:

– Бары хаһаайыстыбалар бурдук да, сүөһү сиир култууратын да ыһыытыгар киирдилэр. Ааспыт сылларга 11 480 гектарга элбэх ылах оту ыспыппыт, ону кэтэһэбит.  Хортуоппуйу маасабайдык олордуу бу ый бүтүүтүттэн саҕаланыаҕа, билиҥҥи туругунан Ленскэй улууһа уонна Дьокуускай сорох хаһаайыстыбалара олордо сылдьаллар. Сөп буолар сиэмэ, бүрүйэр матырыйаал баар.

Быйылгы ыһыыга анаан өрөспүүбүлүкэ таһыттан 2520 туонна сиэмэ (775 туонна бурдук, 1745 туонна сүөһү сиир култууратын сиэмэтэ) аҕалыллыахтааҕыттан 85 %-а, хортуоппуй сиэмэтин 86 %-а эрдэ кэлбит, ордуга саҥа кэлэн, тиэрдиллэ сылдьар эбит.  Ыһыыга саамай улахан былааннаах Амма улууһа 3 600 гектар бааһынаҕа үлэлиир. Бу улуус хаһыс да сылын ыһыы сиэмэтинэн сүрүннээн бэйэтэ хааччынар.

Элбэх сүөһүлээх, үүккэ идэтийэн үлэлиир бөдөҥ хаһаайыстыбалар халлаан ходуһаҕа тугу уунан биэрэрин  эрэ кэтээбэккэ,  үүнүүнү бааһынаттан ыларга үлэлииллэр. Холобур, ""Кириэстээх", "Тумул"  кэпэрэтииптэр, "Нөмүгү" агрофирма,  «Өлүөхүмэ кыладабыайа» хааччахтаммыт эппиэтинэстээх тэрилтэ сүөһү аһылыгар анаан, ньэчимиэни уонна эбиэһи таһынан Судаан отун, кукуруза уонна подсолнечник курдук үүттүгэннээх култууралары ыһаллар. Бу курдук,  хаһаайыстыбалар сииги куоттарбакка, ыһыыны кэмигэр бүтэрэргэ дьулуһан, үлэлии-хамсыы сылдьаллар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Дьааҥыга - ойуур баһаара

Дьааҥы улууһугар от ыйын 24 күнүнээҕи туругунан 2 ойуур баһаара бэлиэтэммит. Ол курдук,…
24.07.24 19:59