Санатан эттэххэ, Анал байыаннай дьайыы инники кирбиитигэр соҕотох «Алеша» тааҥка бэргэн ытыынан өстөөх аҕыс бронетиэхиньикэтин тохтоппута уонна тэҥэ суох киирсиигэ кыайыылааҕынан тахсыбыта. Тааҥка хамандьыыра Александр Леваков, сыалы булларааччы эпэрээтэр Алексей Неустроев, мэхээнньик-ыытааччы Филипп Евсеев хорсун быһыыларын иһин «Арассыыйа дьоруойа» үрдүк аатын ылбыттара.
Флешмобка эдэр ыччат, байыаннай дьайыы кыттыылаахтарын чугас дьонноро, доҕотторо, буойуттарга көмөлөһөр волонтердар, 1993 сыллаахха оскуоланы бүтэрбиттэр түмсүүлэрэ кыттыыны ыллылар.
Флешмоб кыттыылаахтара таҥастарыгар «Танк Алеша» диэн сурук (логотип) түһэрбиттэр. Бу сурук буукубаларын икки ардыларыгар сулустар кыбытыллыбыттар. Сулустар ахсааннара 8-ка тэҥнэһэр, ол аата хас биирдии сулус биһиги «Алеша» тааҥкабыт эспит өстөөх тиэхиньикэтин көрдөрөр.
Флешмоб тэрийээччилэрэ бу логотибы хас биирдии киһи таҥаһыгар түһэринэн кэтэригэр уонна Анал байыаннай дьайыыгы кытта сылдьар хорсун буойуттары өйүүллэригэр ыҥыраллар.
Дьоруойдарбытынан киэн туттабыт!
Бары бииргэ - Кыайыы туһугар!
-
9
-
1
-
0
-
1
-
0
-
0
