«Тулалыыр эйгэ уонна инфраструктурнай былааннааһын, итиэннэ бырайыактыыр докумуон хаачыстыбатын үрдэтэр сыалтан тыа сирин нэһилиэнньэлэрин сайыннарыыга маастар-былааннары оҥорор тоҕоостоох. Бу боппуруос норуот дьокутааттарыгар барыларыгар улахан суолталаах, онон муниципальнай тэриллиилэр дьаһалталарын, өрөспүүбүлүкэ бырабыыталыстыбатын кытта бу ситимнээх үлэҕэ көдьүүстээхтик бииргэ үлэлээһини тэрийэргитигэр көрдөһөбүн», - диэн Айсен Николаев дьокутаттарга эттэ.
Олоххо тупсаҕай уонна куттала суох эйгэни тэрийэр үлэ икки саҥа национальнай бырайыак «Инфраструктура для жизни» уонна «Эффективная транспортная система» чэрчитинэн ыытыллыаҕа.
«Саҥа национальнай сыаллар уонна бырайыактар судаарыстыбаннай уонна муниципальнай уорганнартан үрдүк профессионализмы, бэйэни толору биэрэн туран, салайыныы чопчу тиһигин тэрийиини эрэйэллэр. Биһиги өрөспүүбүлүкэбит олохтоохторун интэристэригэр бэлэмниир бары бырайыактарбыт атын эрэгийиэннэр бырайыактарын кытта кытаанах конкуренцияны тулуйуохтаахтар. Маныаха дойдубут баһылыга Владимир Путин Уһук Илин куораттарын сайдыыларыгар туһаайбыт сорудахтара биһиэхэ улахан өйөбүл буолуохтара», - диэн Ил Дархан тоһоҕолоон бэлиэтээтэ.
Санатан эттэххэ, Саха Сирэ Дьокуускай уонна Нерюнгри куораттарын маастар-былааннарын олоххо киллэрэр. Бу маастар-былааннары дойду бэрэсидьиэнэ бигэргэппитэ. Маны таһынан, В. Путин сорудаҕынан, өрөспүүбүлүкэ Аартыкатын тирэх нэһилиэнньэлээх пуунун, «Тиксии-Найба» агломерация маастар-былаана оҥоһуллар.
Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Андрей Сорокин хаартыската, ЯСИА
-
0
-
0
-
0
-
0
-
0
-
0
