Издательский дом Редакция Подписка
Погода в Якутске: . 21 oC

Бүлүү улууһун Лөкөчөөн нэһилиэгэр, А.И. Леонтьев аатынан Лөкөчөөн орто оскуолатын иһинэн аһыллыбыт «Олимп» диэн оҕо сайыҥҥы сынньанар-чэбдигирдэр лааҕыра биир ыйдаах үлэтин түмүктээтэ.

Бүлүү улууһун Лөкөчөөн нэһилиэгэр, А.И. Леонтьев аатынан Лөкөчөөн орто оскуолатын иһинэн аһыллыбыт «Олимп» диэн оҕо сайыҥҥы сынньанар-чэбдигирдэр лааҕыра биир ыйдаах үлэтин түмүктээтэ.

Лааҕыр 25 алын кылаас оҕолорун хабан таһаарыылаахтык үлэлээтэ. Лааҕыры алын кылаас учуутала, Саха Өрөспүүбүлүкэтин үөрэҕириитин туйгуна  Розалия Васильева 17-с сылын салайда. Баһаатайдар Мария Петрова уонна Сахаайа Протопопова халандаар бэлиэ күннэринэн аттарыллан оҥоһуллубут бырагыраама быһыытынан, араас кэрэхсэбиллээх, оонньотор, эти-сиини уонна өйү эрчийэр дьаһаллары тэрийэн ыыттылар. Лааҕыр эмчитэ Надежда Леонтьева оҕолор доруобуйаларын күннэтэ кыраҕытык кэтээн көрдө, битэмииннэр тустарынан, күн уотуттан харыстаныы, ыраастык тутта-хапта сылдьыы туһунан олус интэриэһинэй бэсиэдэлэри оҥордо. Психолог Валерия Осипова хамаанданан оонньуулары, дьарыктары ыытта. Асчыт Анна Николаева күн аайы араас минньигэс, тотоойу, сылаас астарынан аһатта.

Хас биирдии күн сарсыардааҥҥы сэрээккэттэн, ону таһынан хамандыырдар былаах таһааран, Өрөгөй ырыатын истиититтэн саҕаланар. Маҥнайгы күнтэн оҕолор икки этэрээккэ арахсан, күн аайы араас дьарыктарга кытыннылар. Ол курдук, спорт туһунан элбэх араас бэсиэдэлэр, сибиэһэй салгыҥҥа дьаарбайыы, уонна онтон да атын тиэмэлэринэн араас аралдьытыылар ыытылыннылар.

Лек-_3.jpeg

Нуучча улуу суруйааччыта А.С. Пушкин төрөөбүтэ 225 сылынан нэһилиэк библиотекатын үлэһитэ Анастасия Доргонова оҕолорго Александр Пушкин туһунан кэпсээтэ, остуоруйа көрдөрдө. Арассыыйа күнүгэр «Мин дойдум – Арассыыйа» диэн, этэрээттэр икки ардыларыгар олус интэриэһинэй күрэх буолла. Ыһыах күннэрин саҕана оҕолор саха төрүт үгэстэрин, ыһыах сиэрин-туомун туһунан билистилэр, «Сайылык оҕолоро» диэн сахалыы илии-атах, остуол оонньууларыгар, эстэпиэтэлэргэ күрэхтэстилэр.

Биир чаҕылхай түгэнинэн Лөкөчөөн нэһилиэгиттэн төрүттээх, Мукучутааҕы оҕо спортивнай оскуолатын үөрэнээччитэ,  тустуук Марк Антонов «Азия оҕолоро» норуоттар икки ардыларынааҕы спортивнай оонньууларга барыан иннинэ, лааҕырга кэлэн ыалдьыттаабыта буолла. Ханна, хайдах дьарыктанарын, туох ситиһиилэрдээҕин, мэтээллэрин, грамоталарын илдьэ кэлэн, оҕолор ымсыыра, сөҕө көрдүлэр. «Спортка, кыайыы өрөгөйө, бастакы хотторууттан саҕаланар, онтон санааны түһэрбэккэ, салгыы дьарыктаныахха наада», -- диэн сүбэлээтэ. Түмүккэ оҕолор Марикка ситиһиини баҕаран алгыы хааллылар, сэмэй бэлэхтэрин туттардылар.

лек_-_2.jpeg

Ый устатыгар ыытыллыбыт күрэхтэһиилэргэ этэрээттэр тэҥ-тэҥҥэ барсан иһэн, ый устатыгар  кэпсэппит тиэмэлэрин чиҥэтэн, бүтэһик күҥҥэ квест оонньоон, кыайыылаах этэрээт быһаарылынна. Онон, Милана Алексеева хапытааннаах «Тааҥкалар» этэрээт бастаата, киниттэн биир баалынан хаалан, Влад Петров хапытааннаах «Фантазердар» этэрээт иккис миэстэҕэ тигистэ.

Ону таһынан оҕолор күннээҕи тиэмэлэринэн уруһуйдаабыт хартыыналара Бүтүн Арассыыйатааҕы уруһуй күрэхтэһиилэригэр ыытыллан, бары анал дипломнарынан бэлиэтэннилэр. Түмүккэ оҕолор хас биирдиилэрэ анал номинациялаах грамоталары уонна минньигэс бэлэхтэри тутан, үөрүүлэрэ үксээтэ.

  • 12
  • 3
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22