Бу икки дьиэни «Олорор дьиэ уонна куорат эйгэтэ» национальнай бырайыак, «Хаарбах туруктаах дьиэлэртэн 2019-2025 сс. дьону көһөрүү» өрөспүүбүлүкэтээҕи бырагыраама чэрчилэринэн, «Востокстрой» ХЭТ бэрт түргэн тэтиминэн тутан үлэҕэ киллэрдэ.
Саҥа кыбартыыраларга киирии малааһынын үөрүүтүн үллэстэ тутуу миниистирин солбуйааччы Евгений Афанасьев тиийдэ.
– Бу саҥа кыбартыыралар хаарбах дьиэлэртэн дьону көһөрүү бырагырааматынан тутулуннулар. Саҥалыы ирдэбилинэн толору хааччыллыбыт кыбартыыралар сылааһынан уонна дьолунан толору буолуохтуннар, – диэтэ миниистири солбуйааччы.
Чурапчы улууһугар хаарбах туруктаах дьиэлэртэн дьону көһөрүү бырагырааматынан 12 нэһилиэккэ 30 элбэх кыбартыыралаах дьиэ тутулунна. Бу дьиэлэргэ 855 кыбартыыра күлүүһэ 2182 киһиэхэ туттарылынна диэн Тутуу министиэристибэтин пресс-киинэ иһитиннэрэр.
Хаартыска Тутуу министиэристибэтин саайтыттан
-
0
-
0
-
0
-
0
-
0
-
0
