Ил Түмэн пресс-сулууспата иһитиннэрбитинэн, сокуон барыла СӨ сокуонун 1998 с. от ыйын 24 күнүнээҕи 124-ФЗ №-дээх «Арассыыйа Федерациятыгар оҕо быраабын сүрүн мэктиэлэрин туһунан» Федеральнай сокуон нуормаларыгар сөп түбэһиннэрэр сыаллаах оҥоһулунна.
Барыл икки чаастан турар, итиэннэ СӨ судаарыстыбаннай былааһын боломуочуйалаах уоргана уонна олохтоох бэйэни салайыныы уорганнара оҕолор сынньалаҥнарын, доруобуйаларын чэбдигирдэри тэрийэр, хааччыйар болумуочуйаларын чопчулуур 4-с ыстатыйаҕа эбиилэри киллэрэр.
Бастакынан, оҕолор сынньалаҥҥа уонна чэбдигирдиигэ бырааптарын хааччыйар боппуруостары сүрүннүүр, ол иһигэр, инбэлиит уонна доруобуйаларыгар хааччахтаах оҕолор сынньалаҥҥа уонна чэбдигирдиигэ тэҥнээх буолууларын ситиһэр уонна бу оҕолорго чэбдигирдэр судаарыстыбаннай, итиэннэ муниципальнай тэрилтэлэргэ квоталары биэриини хааччыйар 4.1 ыстатыйаҕа уларыйыылар киирэллэр.
Иккиһинэн, уларыйыылар оҕолор сынньалаҥнарын уонна доруобуйаларын чэбдигирдэр тэрилтэлэр реестиргэ киирэр уонна тахсар төрүөттэрин быһаарар 4.2 ыстатыйаҕа киллэриллэллэр.
Хаартыска: https://iltumen.ru/
-
0
-
0
-
0
-
0
-
0
-
0
