Куонкурус кэтэхтэн киэбинэн, 2025 сыл бэс ыйын 2 күнүттэн атырдьах ыйын 1 күнүгэр диэри ыытыллар. Сайаапкалары уонна бырайыактары тутуу бэс ыйын 2 күнүттэн саҕаланар уонна от ыйын 28 күнүнэн түмүктэнэр. Киирбит үлэлэри эспиэртиир хамыыһыйа от ыйын 29-30 күннэригэр көрөр, түмүгү атырдьах ыйын 1 күнүгэр таһаарар.
Куонкурус өрөспүүбүлүкэ тыатын хаһаайыстыбатын сайдыытыгар кылааттарын киллэрбит, үрдүкү көрдөрүүлэри ситиһэн судаарыстыба наҕараадаларынан Куонкуруска бэлиэтэммит чулуу үлэһит дьоҥҥо махталы, ытыктабылы көрдөрөр бырайыактары бастыҥ дизайн-бырайыагы талар сыалтан тэриллэр. Куонкуруска архитектордар, дизайнердар, тустаах үөрэх кыһаларын устудьуоннара, дизайн уонна архитектура эйгэтигэр үлэлиир тэрилтэлэр, урбаанньыттар кыттыахтарын сөп. Бу туһунан Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэр.
-
0
-
0
-
0
-
0
-
0
-
0
