– Сүбэ мунньах биэс сүрүн трегынан, ол иһигэр, дьиэ кэргэни уонна производствоны кытары бииргэ үлэлээһин боппуруостарын киллэрэн, иитэр-үөрэтэр үлэ бары тиһигин хабан ыытыллыаҕа. Үлэ маннык киэбэ иитэр-үөрэтэр үлэһиттэр тирээн турар боппуруостары ырытыһан, саҥа быһаарыылары тобулалларыгар тирэх буолуоҕа, -- диэн быһаарар үөрэх уонна билим миниистирин солбуйааччы Степан Степанов.
Сүбэ мунньах бырагырааматыгар методическай сэминээрдэр, төгүрүк остуоллар, панельнай сиэссийэлэр, былаһааккаларынан кэпсэтиилэр, маастар-кылаастар киллэрилиннилэр. Пленарнай мунньахха Ил Дархан Айсен Николаев кыттыаҕа. Ону таһынан учууталларга уонна педагогическай хайысхалаах анал орто, анал үрдүк үөрэх кыһаларын бүтэрбиттэргэ анаан бакаансыйалар дьаарбаҥкалара буолуоҕа. Иитэр-үөрэтэр үлэһиттэр, устудьуоннар этэрээттэрин, оҕо сайыҥҥы сынньалаҥын тэрийээччилэр кэнсиэртэрэ итиэннэ агрооскуолалар сайыҥҥы үлэлэрин-хамнастарын түмүгүн көрдөрөр «Үүнүү -- 2025» быыстапка-куонкурустара тэриллиэҕэ. Сүрүн дьаһаллар атырдьах ыйын 21 уонна 22 күннэригэр Ю.А. Гагарин аатынан Култуура уонна аныгы ускуустуба киинин былаһааккатыгар ыытыллыахтара.
Үөрэх үлэһиттэрин атырдьах ыйынааҕы сүбэ мунньахтара Бэрэсидьиэн Владимир Путин көҕүлээһинэн оҥоһуллубут «Ыччат уонна оҕолор» национальй бырайыак сыалын-соругун чэрчитинэн ыытыллар. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Хаартыска: Ил Дархан уонна Бырабыыталыстыба саайтыттан.
-
0
-
0
-
0
-
0
-
0
-
0
