Ураты болҕомто Өлөөн национальнай улууһугар, Ээйик сэл. таһыгар турбут ойуур баһаарыгар уурулунна. «Улахан күүс түмүлүннэ, минерализованнай балаһалары оҥорууга суһал дьаһаллар ылылыннылар. Ити барыта сотору кэминэн уоту умуруорар кыаҕы биэриэҕэ», – диэтэ Айсен Николаев.
Иккиһинэн, халаан боппуруоһа көрүлүннэ. Ил Дархан ордук уустук быһыы-майгы Дьааҥы улууһугар үөскээбитин бэлиэтээтэ. Уу иккис балаһатыттан эмсэҕэлээбит Сайдыы уонна Суордаах олохтоохторугар наада буолар аһы-үөлү, туттар тэрили хааччыйарга, уу түстэ да чөлүгэр түһэрэр үлэлэри саҕалыырга эттэ.
Оттооһун боппуруоһа туора турбата, Бырабыыталыстыба халаан ылбыт ходуһаларыттан ууну түһэриигэ дьаһаллары ыларыгар уонна сүөһү аһылыгын бэлэмнээһин үлэтин тэтимирдэргэ сорудахтанна. Бу туһунан Ил Дархан уонна Бырабыыталыстыба пресс-сулуспата суруйар.
Хаартыска: Тустаах саайтан.
-
0
-
0
-
0
-
0
-
0
-
0
