Дьэ бу хайдах оҥоһуллуохтааҕын эмиэ биология билимин хандьыдаата Константин Кривошапкинтан ыйыталастыбыт. «Хортуоппуй хайаан да көмүллүөхтээх. Тоҕо диэтэххэ, о столоны диэннэр үөскүүллэр. Көмүллүбэтэҕинэ, хаҕар күн көмөтүнэн салонин диэн дьаат үөскүөн сөп. Бу олус кутталлаах. Сайын устата иккитэ-үстэ хайаан да көмүллүөхтээх. Буор аһара хаттаҕына, үрдүнэн хах үөскүүр, кытаатар. Оччоҕуна сиик түргэнник көтөр. Аны туран, көмөргө буор көпсөтүллэр, ол түмүгэр салгын силистэригэр үчүгэйдик киирэн хортуоппуй улаатарыгар улахан көмөнү оҥорор. Көмөргө сыыс от суох гыныллар, силистэриттэн быһа анньан ылар быдан ордук, оччоҕуна салгыы үүммэт. Бу түмүгэр, хортуоппуйга элбэх уу уонна иҥэмтиэлээх биэсэстибэлэр тиксэллэр.
Хортуоппуй бөлчүөрэтэ (клубень) үөскүүр кэмигэр ууга олус наадыйар, ол иһин курааннарга ууну хайаан да кутар ордук. Оттон ардахтаах сайын уонна сирэ сииктээх буоллаҕына, сөбүн көрөн кутуллуохтаах. Сайын иккитэ-үстэ үчүгэйдик ууну кутар ордук», -- диэн бэрт судургутук быһаарда.
-
3
-
0
-
0
-
0
-
3
-
0
