Сокуон барыла РФ Бэрэсидьиэнин 2024 сыл ыам ыйын 7 күнүнээҕи 309 №-дээх «2030 сылга диэри болдьоххо уонна кэлэр 2036 сылга диэри Российскай Федерацияны сайыннарыыга нассынаалынай сыалларын-соруктарын туһунан» Ыйааҕын балаһыанньаларыгар олоҕурар, онно дьиэ кэргэн дойду социальнай-экэнэмиичэскэй сайдыытын сүрүн тосхоллоруттан биирдэстэрин быһыытынан быһаарыллар.
Дьиэ кэргэн урбаанын сайыннарыы уонна киэҥник тарҕатыы ирдэнэрин Российскай Федерация Бырабыыталыстыбатын 2016 сыл бэс ыйын 2 күнүнээҕи 1083-р №-дээх дьаһалынан бигэргэтиллибит 2030 сылга диэри болдьоххо дьоҕус уонна орто урбааны сайыннарыы Стратегиятыгар бэлиэтэммитэ. Эрэгийиэннэр алтыс социальнай инновацияларын пуорумун түмүгүнэн (2025 сыл балаҕан ыйын 11-13 күннэригэр Москуба к. ыытыллыбыта) дьиэ кэргэн урбаанын субъектарын сокуонунан быһаарар кыаҕы көрөргө сүбэлэһии ылыллыбыта.
Ол чэрчитинэн, сокуон барылынан социальнай тэрилтэлэргэ киллэриэхтэрин сөптөөх дьоҕус уонна орто урбаан субъектарын испииһэгин кэҥэтии буоларынан сибээстээн, үлэһиттэрэ биир дьиэ кэргэн чилиэннэрэ буолар дьоҕус тэрилтэлэр (микропредприятие) киирэллэрин көҕүлүүр.
Кыра тэрилтэлэргэ сокуон усулуобуйаларыгар эппиэттиир дьоҕус уонна орто урбаан киирэллэр. Дьоҕус тэрилтэлэр, ортотунан, үлэһиттэрин ахсаана 15 киһиттэн элбиэ суохтаах, оттон дохуоттара ааспыт сылга нолуоктара учуоттаныллыбакка, 120 мөл. солк. эмиэ элбиэ суохтаах.
Сокуон барылынан үлэ ыытыллар дьыалата, хайысхата дьиэ кэргэнтэн турарын маннык быһаарыллар:
-- хаһаайыстыбаннай уопсастыбалар, табаарыстыбалар эбэтэр бииргэ үлэлээччилэр 50 бырыһыантан кырата суох биир дьиэ кэргэн чилиэннэрэ буолаллар, онуоха дьиэ кэргэн чилиэннэриттэн биирдэстэрэ салайааччы, дириэктэрдэр сэбиэттэрин (көрөр сэбиэт) бэрэссэдээтэлэ буолар эбэтэр дьиэ кэргэн чилиэннэриттэн бииригэр табаарыстыба дьыалата сүктэриллэр;
-- производственнай уонна потребительскай кээпэрэтииптэр эбэтэр бааһынай (фермерскэй) хаһаайыстыба чилиэннэрин 50 бырыһыантан кырата суоҕа биир дьиэ кэргэн чилиэннэрэ буолаллар;
-- урбаанньыт дьоҕус тэрилтэтигэр үлэлиир дьонтон 50 бырыһыаннара кини дьиэ кэргэнин чилиэннэрэ буолаллар, ол гынан баран, ол иккиттэн итэҕэһэ суох киһи буолара ирдэнэр.
Көҕүлээччилэр санааларынан, сокуон барыла дьиэ кэргэн урбаанын сайыннарар, утумнааһыны бөҕөргөтөр, эдэрдэри урбааҥҥа тардар, настаабынньыктааһыны сайыннарар уонна уһун болдьоххо сайдыыга туһуламмыт туруктаах дьыала хайысхаларын оҥорорго усулуобуйалары тэрийэргэ көмөлөһүөҕэ. Маны таһынан, бу дьарыктаах буолууну өйүүргэ, дьоҕус урбаан туругун үрдэтэргэ уонна Российскай Федерация нассынаалынай сайдыытын ситиһэргэ эбии усулуобуйалары тэрийиэҕэ.
Ил Түмэн саайтыгар тахсыбыт матырыйаалынан оҥоһулунна уонна хаартыска эмиэ итинтэн ылылынна.
-
0
-
0
-
0
-
0
-
0
-
0
