Куоластааһын бастакынан Абый, Аллайыаха, Муома, Аллараа Халыма, Орто Халыма уонна Үөһээ Халыма улуустарыгар саҕаланна. Хас биирдии быыбардыыр учаастак ахсын быыбардыыр хамыыһыйа чилиэннэрэ итиэннэ хандьыдааттар, баартыйалар уонна Уопсастыбаннай балаата туруорбут кэтээн көрөөччүлэрэ үс күннээх үлэлэрин саҕалаатылар.
Дьокуускай олохтооҕо Руслан Дьячковскай куоракка биир бастакынан куоластаата:
– Бу сарсыарда үлэбэр баран иһэн, бэйэм сыһыарыллыбыт 729 №-дээх быыбардыыр учаастакпар киирэн куоластаатым. Аһыллыыта буола илигинэ, сарсыарда 8 чаас саҕана кэлбитим. Дьон син балачча элбэх да буоллар, барыта орун-оннугар тэриллибит. Хамыыһыйа чилиэттэрэ биир киһи курдук эрчимнээхтик үлэлииллэр, пааспарбын түргэнник бэрэбиэркэлээтилэр, эбии ыйытыыта суох бүлүтүөн биэрдилэр. Аан айаҕар кыра уочарат — биэс мүнүүтэ иһигэр ааһан таҕыстым. Кырасдааныскай иэспин толордум уонна холкутук үлэбэр айаннаатым. Быыбар муҥутуур табыгастаахтык ааста, -- диир кини.
Хаартыска: Галина Матвеева.
-
0
-
0
-
0
-
0
-
0
-
0
