– Быыбар буолуо икки нэдиэлэ иннинэ быыбардыыр хамыыһыйа чилиэннэрэ кыбартыыраларынан кэрийэ сылдьан, ким дьиэҕэ куоластыырын ыйыталаспыттара, сайаапканы эрдэттэн түһэрээриҥ диэн, төлөпүөн нүөмэрин биэрбиттэрэ. Мин ону толорбутум, аадырыспын суруттарбытым. Онтон сотору буолаат, миэстэ көстөн, балыыһаҕа киирэн хаалбытым. Инньэ гынан, быыбардыыр хамыыһыйаҕа биллэрбитим, баҕар, балыыһаҕа куоластыам диэн. Ол эрээри, быыбар буолуо биир хонук иннинэ бырааһым дьиэбэр таһаарбыта, ону эмиэ быыбардыыр хамыыһыйаҕа эрийэммин эппитим. Онуоха: «Өйдөөтүбүт», – диэбиттэрэ. Итиэннэ быыбар бастакы күнүгэр кэлэн, дьиэбэр куоластатан бардылар. Сэттэ киһи кыбартыырабар биирдэ кутулла түспүттэригэр соһуйбуппар: «Үс киһи быыбар хайдах барарын кэтээн көрөллөр», – диэбиттэрэ. Бүллүтүөнү толорон баран, өстүөлэ дьааһыкка укпутум кэнниттэн барбыттара.
Ити курдук, бэрт эйэҕэстик кэпсэтэн, балыыһаҕа киирдим-таҕыстым диирбин тулуурдаахтык истэн, болдьохтоох кэмигэр кэлэн куоластаппыттарын, миэхэ ытык кырасдааныскай иэспин төлүүр кыаҕы биэрбиттэрин иһин махтанабын. Үлэлэригэр ситиһиилэри баҕарабын.
Хаартыскаҕа: 729 №-дээх быыбардыыр учаастак хамыыһыйатын чилиэннэрэ кэтээн көрөөччүлэри илдьэ кыбартыыларынан сылдьан куоластата бараары тураллар. Галина Матвеева түһэриитэ.
-
2
-
0
-
0
-
0
-
0
-
0
