Бүгүҥҥү туругунан, о.э. тохсунньу 29 күнүгэр, саахалынан дьарыктанар биригээдэлэр алдьаммыт энергоблоктары сойута сылдьаллар диэн ДьУоХХ министиэристибэтин пресс-сулууспата иһитиннэрэр. 3 №-дээх энергоблок өрөмүөнүн тохсунньу 29 күнүн түүнүгэр түмүктүүр былааннаахтар. Бу түүн гидравлическай тургутук оҥорон көрүөхтэрэ, өскөтүн ол этэҥҥэ аастаҕына, энергоблогу холбуохтара.
1 №-дээх энергоблок өрөмүөнүн субуотаҕа силигин ситэрэр соруктаахтар. Ол кэннэ эмиэ гидравлическай тургутук оҥоһуллуохтаах.
Тохсунньу 28 күнүгэр СӨ Бырабыыталыстыбатын бэрэссэдээтэлин солбуйааччы Алексей Колодезников Ыксаллаах быһыы-майгы кэмитиэтин суһал мунньаҕар Нерюнгритааҕы ГРЭС саахалыттан сылтаан өрөспүүбүлүкэҕэ элэктэриичэстибэ дэписиитэ тахсыбатын курдук дьаһаллары ылыммыт. “Якутэнерго” ПАУо генеральнай дириэктэрин бастакы солбуйааччытыгар Игорь Шкуркоҕа олохтоох эпэрээтэрдэри кытта ыкса үлэлииллэригэр, балаһыанньаттан тахсар чопчу былааннары бэлэмнииллэригэр сорудахтаабыт. Барыларын ыксаллаах быһыыга-майгыга бэлэм сылдьалларыгар эппит.
Билигин нэһилиэнньэлээх пууннарга бары олоҕу-дьаһаҕы хааччыйар эбийиэктэри күүстээх хонтуруолга ылан олороллор. Элэктэриичэстибэ диписиитэ бэлиэтэммэт.
Матырыйаал салгыы ситэриллиэ.
-
0
-
0
-
0
-
0
-
0
-
0
