Саахалы туоратар биригээдэ үлэтин хаамыытын туһунан Нерюнгритааҕы ГРЭС дириэктэрэ Борис Краснопеев иһитиннэрбит. Кини 3 №-дээх энергоблокка сыбааркалааһын үлэтэ түмүктэммитин эппит. Онон бүгүн түүн гидравлическай тургутук оҥоруохтара. Өскөтүн тургутук этэҥҥэ аастаҕына, энергоблогу бүгүн түүн холбуохтара.
Борис Краснопеев 1 №-дээх энергоблокка сыбааркалааһын түүнү быһа барыаҕа диэбит. Бу үлэ тохсунньу 30 күнүгэр, күнүс 12 чааска, бүтэрэ былааннанар. Ол кэннэ эмиэ гидравлическэй тургутук оҥоһуллуохтаах. Онно алдьаныы-кээһэнии саҥаттан тахсыбатаҕына, энергоблок холбонуохтаах.
Мунньахха Алексей Колодезников: “Нерюнгритааҕы ГРЭС саахалын балаһыанньатын өссө 2 суукка кэтээн көрүөххэ, хонтуруолга тутуохха наада. Уоскуйар сатаммат”, – диэн эппит.
СӨ Ил Дарханын уонна Бырабыыталыстыбатын дьаһалтатын пресс-сулууспатын матырыйаалынан.
-
0
-
0
-
0
-
0
-
0
-
0
