“Саха сиригэр уонна Красноярскай кыраайга бэс ыйыгар куйаас түһүөҕэ. Орто температура нуорматтан биллэ үрдүк буолуоҕа”, – диэн Роман Вильфанд сылыктыыр.
Маны таһынан, халлааны кэтээн көрөөччү Арассыыйа арҕаа өттүгэр, Ураалга уонна арҕаа Сибииргэ уһулуччу итии күннэр туралларын этэр. Аны туран, метеорологтар сайын устата Арассыыйа үгүс эрэгийиэнигэр самыыр кэмчи буоларын билгэлииллэр. Ол аата кэлэр сайыммыт эмиэ бүтүннүү ойуур баһаардарын буруота аргыстаах ааһара сэрэйиллэр. Холобур, Саха сиригэр атырдьах ыйыгар ураты кураан күннэр туруохтара дииллэр. Уопсайынан, гидрометкиин билгэтинэн, быйыл сайын Сибииргэ уонна Уһук Илиҥҥэ халлаан нуорматтан 8-10 кыраадыс итии буолара сабаҕаланар. Онон иэдээн куйаас уонна кураан сатыылыыр чинчилээх. Ходуһа үлэтэ эмиэ ыарыыр буолбут. Хаһаайыстыбалар номнуо ону учуоттуохтарын наада.
-
0
-
0
-
0
-
0
-
0
-
0
