“Биһиги айаммытын Саха АССР 100 сыллаах үбүлүөйүгэр аныыбыт. Онон эһиил Москваҕа автономия 100 сыллаах үбүлүөйдээх ыһыаҕар кыттар баҕалаахпыт. Бу айан түмүгүнэн биһиги саха атын ураты тулуурун уонна кыаҕын бүтүн аан дойдуга көрдөрөр сыаллаахпыт”, – диэн айанньыттар бэлиэтииллэр.
Уолаттар Дьокуускайга икки ый кэриҥэ буоллулар. Бу кэм устата кинилэргэ коронавируһу утары быһыы туруордулар, аттарыгар боккуоба оҥордулар, снаряжение бэлэмнээтилэр.
СӨ Тыатын хаһаайыстыбатын миниистирин солбуйааччы Василий Афанасьев, сүөһү иитиитин департаменын салайааччы Артем Александров уонна Арассыыйа наукатын академиятын Сибиирдээҕи салаатын криолитозона биологическай кыһалҕаларын научнай үлэһитэ Егор Кириллин сылгыһыттарга спутниковай кэтээн көрүү систиэмэлээх моойторук туттардылар.
Бу систиэмэ трекердарын көмөтүнэн айанньыттар суолларын уонна сылгыларын туругун спутник нөҥүө кэтээн көрүөхтэрэ.
Санаттахха, аттаах айанньыттар ыам ыйын 21 күнүгэр Үс Хатыҥтан уһун-киэҥ айаҥҥа туруммуттара. “Сотору кэминэн кинилэр айаннарын өрөспүүбүлүкэ бүтүннүү спутник көмөтүнэн кэтээн көрөр кыахтаныа” диэн СӨ Тыатын хаһаайыстыбатын министиэристибэтигэр иһитиннэрдилэр.
-
0
-
0
-
0
-
0
-
0
-
0
