Төрдүс, бэһис уонна алтыс оҕолорун күн сирин көрдөрбүт биэс дьоллоох ийэҕэ: Иванова Ираида Васильевнаҕа, Семенова Пелагея Афанасьевнаҕа, Иванова Мария Ефимовнаҕа, Степанова Анна Анатольевнаҕа, Иванова Антонина Анатольевнаҕа уонна Сологонская Мария Иннокентьевнаҕа улуус баһылыга Алексей Иннокентьев эҕэрдэлээн туран, сертификаттарын туттартаата итиэннэ: “Кырачааннар этэҥҥэ улааттынар, доруобай эрэ буоллуннар. Бу курдук саҥа дьон өссө кэлэ турдун, онтон улуус өттүттэн элбэх оҕолоох ыалга болҕомто, өйөбүл өрүү баар буолуо”, - диэн эрэннэрдэ.
Түөрт оҕолоох Ираида Иванова: “Маннык оройуон өттүттэн тустаах көмө оҥоһуллара элбэх оҕолоох ыалга улахан өйөбүл буолар. Бу харчыбытын биһиги олорор усулуобуйабытын тупсарыыга ыытыахпыт диэн былаанныыбыт. Түгэнинэн туһанан Алексей Михайловичка улахан махталбытын тиэрдэбит. Элбэх оҕолоох ыалларга оройуон кыһалларын биллибит”, - диэн үөрүүтүн үллэстэр.
Ньурбаҕа, билиҥҥи туругунан, бу хапытаалы 16 дьиэ кэргэн туһаммыт.
-
0
-
0
-
0
-
0
-
0
-
0
