Ол курдук, РФ уонна кини гражданнарын интэриэстэрин көмүскүүр, эйэни уонна куттал суох буолуутун араҥаччылыыр сыалтан, РФ судаарыстыбаннай уорганнара боломуочуйаларын толорууларын туһунан сымыйа сураҕы тарҕатыы иһин 700 тыһыынча солкуобайтан 1,5 мөлүйүөн солкуобайга диэри ыстараап көрүллүөҕэ.
Бу дьайыылар сулууспалыыр балаһыанньаны туһанан эбэтэр «сымыйанан буруйдаах оҥорон» эбэтэр «бэлиитикэ, идеология, раса, омук, итэҕэл иһин абааһы көрөн биитэр өстүйэн» оҥоһуллубут буоллахтарына, 3 мөлүйүөнтэн 5 мөлүйүөн солкуобайга диэри ыстарааптыахтара биитэр 10 сылга диэри болдьоххо көҥүлү быһан накаастыахтара.
Оттон үөһэ этиллибит дьайыылар ыар содулу аҕалбыт буоллахтарына, 10-тан 15 сылга диэри болдьоххо көҥүлү быһан накаастыахтара.
"РФ сирин-уотун таһыгар РФ судаарыстыбаннай уорганнара боломуочуйаларын толороллорун холуннарыыга туһуламмыт аһаҕас дьайыылар" иһин эмиэ холуобунай эппиэтинэс көрүллүөҕэ. 100 тыһыынчаттан 300 тыһыынча солкуобайга диэри ыстарааптыахтара эбэтэр үс сылга диэри болдьоххо көҥүлү быһыахтара. Ити дьайыылар содуллаах буоллахтарына, элбээбитэ биэс сылга диэри көҥүл быһыллар.
-
0
-
0
-
0
-
0
-
0
-
0
