Оччотугар федеральнай, эрэгийиэннээҕи уонна муниципальнай кѳмѳнү Арассыыйа олохтоохторо ыспыраапкалары хомуспакка, биир сайабылыанньаны биэрэн ылар буолуохтара. Бырабыыталыстыба уурааҕын сѳп түбэhэр бырайыага нормативнай аакталар правовой порталларыгар таhаарылынна.
Ким социальнай кѳмѳнү ылара чэпчиэҕэй? Уураах бырайыага социальнай ѳйѳбүлгэ барытыгар сайабылыанньа биэриитин электроннай кѳрүҥүнэн кыалларынан оҥорорго этэр – Госуслуга портал эбэтэр эрэгийиэннээҕи сайт нѳҥүѳ. Оттон киhи интэриниэтинэн сайабылыанньа биэрэр кыаҕа суох буоллаҕына, МФЦга эбэтэр тэрилтэҕэ бэйэтэ кэлиэн сѳп.
Бырайыак уурааҕа ааспыт сылга ахсынньыга ылыллыбыта уонна социальнай ѳҥѳлѳрү электроннай кѳрүҥүнэн ылыы биир кэлим процедуратын олохтуур сокуоҥҥа эбии оҥоhулунна. Сокуон 2024 сыл тохсунньу 1 күнүттэн күүhүгэр киириэҕэ. Оттон саҥа нуормалар 2025 сыл тохсунньу 1 күнүттэн үлэлээн барыахтара.
Сокуон да, сокуон иhинээҕи аакта да «Социальнай казначейство» бырайыагы сайыннарыы чэрчитинэн оҥоhулуннулар. Социальнай казначейство – бу судаарыстыба уонна киhи хардарыта дьайсыыларын формата, кини кѳмѳнү анааhын муҥутуур судургу анааhыны кѳрѳр, биир сайабалыанньанан уонна кинитэ даҕаны суох.
Хаартыска аhаҕас источниктан ылылынна.
-
0
-
0
-
0
-
0
-
0
-
0
