- Аҕыйах ахсааннаах үөрэнээччилээх (малокомплектнай) оскуолалар Роспотребнадзор бары ирдэбилин тутуһан толору үлэлиэхтэрэ. Манна өрөспүүбүлүкэ үрдүнэн 418 оскуола хабыллар.
- Биир симиэнэнэн үлэлиир оскуолалар икки симиэнэҕэ көһүөхтэрэ. Бу кылааска оҕолор ахсааннарын аҕыйатар сыалтан тэриллэр. Өрөспүүбүлүкэ үрдүнэн маннык оскуола ахсаана - 147.
- Очнай уонна дистанционнай үөрэҕи тэҥҥэ тутан. Бу мадьыалынан оскуола икки симиэнэҕэ көһөрүн таһынан, сорох предметтэри дистанционна ыытар. Маннык оскуола ахсаана – 47.
- 24 оскуола үс симиэнэн уонна сирэй үөрэҕи кытта дистанционнайы тэҥҥэ тутан үөрэх бырассыаһын ыытар.
- Өрөспүүбүлүкэ үрдүнэн 13 улахан оскуола бэһис мадьыалы туттан үөрэтэр соруктаах. Ол курдук, бу саамай улахан уонна элбэх оҕолоох оскуолалар буолаллар. Холобур, манна Дьокуускай куорат 31, 26, 21, 20, 7 №-дээх оскуолалара киирсэллэр. Бу оскуолалар эмиэ үстүү симиэнэн үлэлииргэ күһэллиэхтэрэ.
Маны таһынан, бары оскуолаларга санпин кытаанах ирдэбиллэрэ туттуллуохтара. Хас биирдии кылаас туспа кабинеттаах буолуоҕа, кылааһы салгылатыы, сууйуу-сотуу, дезинфекциялааһын кыраапык быһыытынан ыытыллыаҕа. Социальнай дистанцияны тутуһуу, үөрэнээччилэри паартаҕа зигзаг быһыытынан олордуу уо.д.а. тэрээһиннэр туттуллуохтара.
⠀
-
0
-
0
-
0
-
0
-
0
-
0
