Докумуон Украина территориятыгар Америка биолабораторияларын үлэлэрин чинчийэр Парламент хамыыhыйатынан бэлэмнэммит. Хамыыhыйа «АХШ медико-биологическай бырагыраамата Пентагонынан олоххо киллэриллэр уонна үбүлэнэр, кистэлэң уонна байыаннай-практическай хараактырдаах» диэн түмүгү оңорбут.
Туhаайыыга «АХШ оборуонатын министиэристибэтэ биологическай сэрии сэбэ буолар кыахтаах ураты кутталлаах патогеннай микроорганизмнары бэйэтин профильнай научнай кииннэригэр чинчийэргэ анаан хомуйар, генетическэй матырыйаалы сүүмэрдиир, араас патогеннар дьайыыларыгар киhи организма хайдах хардарарын быhаарар сыаллаах олохтоох нэhилиэнньэ иммуннай систиэмэтин уратыларын үѳрэтэр. Кинилэри туттуу инфекционнай ыарыылар бэйэ дьаалатынан күѳдьүйүүлэрин курдук кистээн оңоhуллуон сѳп», - диэн этиллэр.
Икки хос аналлаах 400 кэриңэ Вашингтонынан хонтуруолланар биолабораториялар атын судаарыстыбалар территорияларыгар баалларын парламентарийдар чуолкайдаабыттар.
Онон сибээстээн, Федеральнай Мунньах сирдэригэр-уоттарыгар Америка Холбоhуктаах Штаттарынан хонтуруолланар биолабораториялар баар дойдулар парламеннарын «доруобуйа харыстабылын национальнай сулууспалара АХШ оборуонатын министиэристибэтин кытта түhэрсиллэр сѳбүлэhиилэргэ правовой уонна политическай сыаналааhыны биэрэллэригэр, кинилэр дойдуларыгар эрэ буолбакка, бүттүүн киhи аймахха кутталлаах баар чахчылары анаалыстыылларыгар, итиэннэ АХШ Конгреhыттан АХШ оборуонатынан ыытыллар, бактериологическай уонна токсиннай сэби оңорууну бобор Конвенцияны кэhэр байыаннай-практическай хараактырдаах бырайыактарын киэң иhитиннэриигэ таhааралларын ситиhэллэригэр» ыңырар.
АХШ аан дойдуга олоххо киллэрэр саамай кутталлаах байыаннай-биологическай бырайыактара Арассыыйа Федерациятынан ыытыллар анал байыаннай эпэрээссийэ кэмигэр арыллыбыттарын Госдума дьокутааттара бэлиэтээтилэр.
-
0
-
0
-
0
-
0
-
0
-
0
