Издательский дом Редакция Подписка
Погода в Якутске: . -12 oC

Саха Сирин Баhылыга Айсен Николаев Федеральнай Мунньахха Бэрэсидьиэн Туhаайан этиитин ырытарыгар, социальнай-экэнэмиичэскэй сайдыы бары хайысхаларыгар дьоhун оруолу эрэгийиэннэр ылыахтара диэн бэлиэтээтэ.

Саха Сирин Баhылыга Айсен Николаев Федеральнай Мунньахха Бэрэсидьиэн Туhаайан этиитин ырытарыгар, социальнай-экэнэмиичэскэй сайдыы бары хайысхаларыгар дьоhун оруолу эрэгийиэннэр ылыахтара диэн бэлиэтээтэ.

- Дойду социальнай-экэнэмиичэскэй сайдыытыгар улахан блок ананна — дойдубут сайдыытын глобальнай боппуруостарыттан саҕалаан үѳрэх систиэмэтин реформатыгар уонна социальнай газификация бырагырааматын уhатыыга диэри.

Саха Сирэ, 10% бырамыысыланнай үүнүүлээх, Арассыыйа динамичнайдык сайдар эрэгийиэннэриттэн биирдэстэрэ буоларын быhыытынан, Арҕаа дойдулар сааңсыйаларыгар уонна аhаҕас сэриилээhиннэригэр кыhаммакка, судаарыстыба бигэ экэнэмиичэскэй тыылын миссиятын салгыаҕа. Инники соруктарга үлэ оңорон таhаарыытын үрдэтии уонна саңа производстволары тэрийии киирэллэр.

Ону кытта 2024 сылтан МРОТ үрдэтии, оҕолоох дьиэ кэргэттэри ѳйѳѳhүн боппуруостара олус суолталаах буоллулар. Бэрэсидьиэн бу соруктары утумнаахтык туруорар.

Уопсай, эмиэ оннук орто профессиональнай уонна үрдүк үѳрэхтээhиңңэ болҕомто уурулунна. Дойду бырабыыталыстыбатыгар үѳрэхтээhиңңэ сэбиэскэй систиэмэтигэр баар уонна аныгы сыhыаннары дьүѳрэлээн, саңа систиэмэни оңорон таhаарарга сорудах бэрилиннэ. Бу үрдүк үѳрэхтээhини кыаллымтыа уонна хаачыстыбалаах гыныаҕа, оттон бүтэрээччилэр экэниэмикэ бары салааларыгар таhаарыылаахтык үлэлиир кыахтаныахтара.

Илин диэки хайыhыы – хайыы үйэ баар чахчы, ол иhин биhиги АТР, Чугастааҕы Илин, Орто Азия дойдуларын кытта ордук актыыбынайдык үлэлиэхтээхпит, сибээстэри салгыы сайыннарыахтаахпыт.

Илиңңи полигону уонна Хотугу муора суолун сайыннарыы бу күңңэ перспектива боппуруостарынан буолбаттар, кинилэри Арассыыйа сайдыытын бырайыактарыгар анаан хайыы үйэ бүгүн быhаарыахха наада. Кинилэри ѳйѳѳhүн Уhук Илин уонна биhиги Сахабыт Сирин сайдыыларыгар импульс биэриэҕэ.

Источник: СѲ Баhылыгын уонна СѲ Бырабыыталыстыбатын пресс-сулууспата.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением