Издательский дом Редакция Подписка
Погода в Якутске: . 6 oC

Саха Сирин баhылыга Айсен Николаев байыаннай сулууспалаахтарга кѳмѳ биир уопсай судаарыстыбаннай фондатын тэрийэр туhунан кѳҕүлээhини улахан суолталааҕынан ааттаата.

Саха Сирин баhылыга Айсен Николаев байыаннай сулууспалаахтарга кѳмѳ биир уопсай судаарыстыбаннай фондатын тэрийэр туhунан кѳҕүлээhини улахан суолталааҕынан ааттаата.

Ол курдук, Арассыыйа Бэрэсидьиэнэ Владимир Путин Федеральнай Мунньахха Туhаайан этиитигэр анал байыаннай эпэрээссийэ бэтэрээннэригэр уонна ѳлбүт байыастар дьиэ кэргэттэригэр аадырыстаах кѳмѳнү оңорор анал судаарыстыбаннай фонда тэриллэрин туhунан эттэ. Судаарыстыба баhылыга хас биирдии дьиэ кэргэңңэ социальнай үлэhити сыhыарар уонна дойду бары эрэгийиэннэригэр судаарыстыбаннай фонда структураларын тэрийэр соруктары туруорда.

«Байыаннай сулууспалаахтары ѳйѳѳhүн — федеральнай, эрэгийэннээҕи уонна муниципальнай таhымнарга салалта биир сүрүн соруга. Биир уопсай судаарыстыбаннай фонданы тэрийии олус наадалаах.

Ѳрѳспүүбүлүкэҕэ биhиги байыаннай сулууспалаахтарга уонна кинилэр дьиэ кэргэттэригэр улахан кѳмѳнү оңоробут. Биhиги үлэбит дойдуга биир бастыңынан билиниллибитэ. Бу — байыастары социальнай, психологическай ѳйѳѳhүн уонна кинилэри реабилитациялааhын.

Эрэгийиэн аайы араас усулуобуйалаахтар, ханна эрэ специализированнай тэрилтэлэр бааллар, ханна эрэ суохтар, ол иhин дойду үрдүнэн үлэлиир биир уопсай фонданы тэрийии – олус суолталаах быhаарыы. Бэйэбит ѳрѳспүүбүлүкэбитигэр оңоhуллар ѳйѳбүл миэрэлэрин уҕараабакка ыытыахпыт, билигин байыастарга ѳссѳ элбэхтик кѳмѳлѳhѳргѳ стимул баар буолла», - диэтэ Айсен Николаев.

Источник: СѲ Баhылыгын уонна СѲ Бырабыыталыстыбатын пресс-сулууспата.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением