Издательский дом Редакция Подписка
Погода в Якутске: . -32 oC

Олунньу 21 күнүгэр Саха Өрөспүүбүлүкэтин Бырабыыталыстыбатын бастакы солбуйааччы Дмитрий Садовников, Ил Түмэн сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Сахамин Афанасьев, СӨ үөрэҕирии уонна наука миниистирэ Ирина Любимова, баһылык Дмитрий Аммосов кыттыылаах Муома оройуонуттан анал байыаннай дьаһалга кытта сылдьар эр дьон дьиэ кэргэттэрин кытта истиҥ көрсүһүү тэрилиннэ.

Олунньу 21 күнүгэр Саха Өрөспүүбүлүкэтин Бырабыыталыстыбатын бастакы солбуйааччы Дмитрий Садовников, Ил Түмэн сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Сахамин Афанасьев, СӨ үөрэҕирии уонна наука миниистирэ Ирина Любимова, баһылык Дмитрий Аммосов кыттыылаах Муома оройуонуттан анал байыаннай дьаһалга кытта сылдьар эр дьон дьиэ кэргэттэрин кытта истиҥ көрсүһүү тэрилиннэ.

Сахамин Миланович мустубут дьоҥҥо социальнай мэктиэҕэ киирэр миэрэлэргэ байыаннайга дьайыыга кыттыбыт дьону үлэнэн хааччыйыыны таһынан, идэтэ суох дьоҥҥо баҕарар үөрэххэ киириилэрин тэрийии баарын эттэ. Кредит каникула, налоговай чэпчэтии, босуобуйа, төлөбүр уо.д.а. өйөбүллэр анал уураахтарга, дьаһалларга олоҕураллар. Урбаанньыттарга, тыа хаһаайыстыбатын салаатын үлэһиттэригэр ураты өйөбүл миэрэлэр эмиэ бааллар. Дьиэ кэргэттэр эмтэнэллэригэр, санаторнай-курортнай сынньалаҥнарыгар, юридическай көмөнөн туһаммыт төлөбүрдэрин толуйууга тустаах тэрилтэлэр нөҥүө ыйыталаһан билиэххэ наадатын ыйда. Ону таһынан, атын даҕаны өйөбүллэри оҥорорго маннык көрсүһүүлэртэн киирбит этиилэргэ олоҕуран анал сокуоннар, уураахтар тахсыахтарын сөбүн тоһоҕолоон бэлиэтээтэ.

Дмитрий Дмитриевич дойду, өрөспүүбүлүкэ байыаннай дьайыы кыттыылаахтарыгар уонна кинилэр дьиэ кэргэттэригэр өйүүр дьаһалларга ураты болҕомтону уурарын эттэ. Ааспыт сылга СӨ Ил Дархан ыйааҕар олоҕуран байыаннай сулууспалаахтары уонна кинилэр дьиэ кэргэттэрин өйүүргэ аналлаах 11 дьаһал ылыллыбыта. Салгыы өйүүр дьаһаллар эбиллиэхтэрэ, чуолкайданыахтара.

image 2

Ирина Павловна үөрэх тэрилтэлэригэр, оҕо сынньалаҥар өйөбүллэри, орто уонна үрдүк үөрэххэ үөрэнэр устудьуоннарга төлөбүрдэри, ол иһигэр оскуолаҕа киирэр саастаах оҕолор олорор миэстэлэригэр баар үөрэх кыһатыгар киириилэригэр уочарата суох көрүүнү уо.д.а атын дьаһаллары сиһилии кэпсээтэ.

Төрөппүттэр, байыаннайдар кэргэттэрэ элбэх мунаахсыйар ыйытыктарыгар сиһилии хоруйдары ыллылар. Көрсүһүүгэ биир хорсун санаалаах, байыаннай дьайыыттан быстах сынньалаҥҥа кэлэ сылдьар Муома эдэр ыччата мустубут ийэлэргэ, аҕаларга санааларын түһэрбэккэ, улаханнык долгуйбакка, барбыт дьон кыайыы көтөллөөх этэҥҥэ эргиллэн кэлэллэригэр эрэнэ күүтэллэригэр баҕа санаатын тиэртэ.

Ыалдьыттар этиллибит кыһалҕалары истэн, бары боппуруостары өрөспүүбүлүкэ тус хонтуруолларыгар ылалларын эрэннэрдэ. Түмүккэ өрөспүүбүлүкэ салалтатын аатыттан мустубут дьиэ кэргэттэри Аҕа дойдуну көмүскүүр дьоһун дьону ииппиттэригэр дириҥник махтаннылар.

«Индигир уоттара» хаһыат матырыйаалыгар олоҕуран.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением