-Бүгүн бэлиэ күн – дойду үрдүнэн Конституцияҕа көннөрүүлэри киллэрии иһин норуот куоластааһына саҕаланна. Мин Дьокуускай куорат баһылыга Сардаана Авксентьевалыын быыбардыыр учаастакка баран, гражданин быһыытынан иэспитин толордубут. Бу куоластааһын -- Арассыыйа устуоруйатыгар уонна сайдыытыгар дьоһун суолталаах түгэн.
Өрөспүүбүлүкэҕэ куоластааһыны ыытарга бары усулуобуйа тэрилиннэ. Куһаҕан суоллаах-иистээх ыраах сирдэргэ куоластааһын буола турар. Куораттарга, улуустарга барыта холбоон 800-тэн тахса быыбардыыр учаастак аанын арыйда. Бу дьаҥ кэмигэр дьон элбэх мустубатын диэн, куоластааһын нэдиэлэ устата барыаҕа. Онон бары көхтөөхтүк кыттыаҕыҥ. Ол биһиги бырааппыт уонна гражданин быһыытынан иэспит буолар.
Саха сирин олохтоохторо быыбардарга өрүү актыыбынайдык кытталлара. Бу да сырыыга дойдубут кэскилин туһугар кыһалларбытын, эппиэтинэстээхпитин көрдөрүөххэйиҥ. Эрэнэбин, дьонум-сэргэм туора турбакка, бэйэлэрин гражданин быһыытынан бырааптарын туһанан, Арассыыйа чэчирии сайдарын туһугар куоластыахтара диэн.
-
0
-
0
-
0
-
0
-
0
-
0
