Издательский дом Редакция Подписка
Погода в Якутске: . -12 oC

Күндү далбар хотуттар, истиҥ ийэлэр, эйэҕэс эбэлэр, кэрэчээн кыргыттар! Ил Түмэн аппараатын уонна тус бэйэм ааппыттан эһигини сааскы чаҕылхай бырааһынньыгынан – Аан дойду дьахталларын күнүнэн -- итиитик-истиҥник эҕэрдэлиибин!

Күндү далбар хотуттар, истиҥ ийэлэр, эйэҕэс эбэлэр, кэрэчээн кыргыттар! Ил Түмэн аппараатын уонна тус бэйэм ааппыттан эһигини сааскы чаҕылхай бырааһынньыгынан – Аан дойду дьахталларын күнүнэн -- итиитик-истиҥник эҕэрдэлиибин!

Бу кэрэ бэлиэ бырааһынньык биһиэхэ, эр дьоҥҥо, киһи аймах кэрэ аҥаарыгар тапталбытын биллэрэрбитигэр, махталбытын аныырбытыгар уонна үтүө баҕа санааларбытын этэрбитигэр тоҕоостоох түгэн буолар.

Эр киһиэхэ туох кэрэ, күндү баара барыта – эһиги үтүөҕүт-өҥөҕүт. Эһиги олоҕу үтүө санаанан толороҕут, чугас дьоҥҥутугар-сэргэҕитигэр сылааһынан илгийэҕит, дьиэ кэргэн олоҕун уйгутун уонна үгэстэрин илдьэ сылдьаҕыт, араҥаччылыыгыт. Биһигини саҥа ситиһиилэргэ күүрдэҕит, күннээҕи түбүктээх олохпутун киэргэтэҕит. Эһиэхэ, эрэллээх аргыстарбытыгар, биһиги аҕа буолбут үөрүүбүт, дьиэ кэргэммит дьоллоох олоҕун иһин барҕа махталлаахпыт.

Аныгы кэм дьахталлара дьиэ кэргэн олоҕун араҥаччылааччы буолалларын таһынан, өссө олох-дьаһах бары эйгэтигэр көхтөөхтүк уонна ситиһиилээхтик кытталлар. Туруоруммут сыалгытын-соруккутун ситиһэргэ эһиги үрдүк профессиональнай таһымы, эппиэтинэстээх буоулуну көрдөрөҕүт, ураты уонна көдьүүстээх быһаарыылары ылынаҕыт. Араас уустук түгэннэргэ наадалаах тыллары булан этэргитин, аһыныгаскытын, тулуурдааххытын биһиги сөҕөбүт-махтайабыт.

Күндү дьахталлар! Сааскы кэрэ бырааһынньыгынан истиҥтэн истиҥ эҕэрдэни тутуҥ!

Эһиэхэ баҕарабыт чэгиэн-чэбдик доруобуйаны, ситиһиилэри, сааскы настарыанньаны, үөрүүнү! Баҕа санааларгыт барыта туолуохтун. Оттон биһиги эһиги сарсыҥҥы күнү эрэллээхтик көрсөргүт туһугар туох кыалларын барытын оҥорорго кыһаныахпыт.

Эһигинэн киэн туттабыт,  таптыыбыт, харыстыыбыт!

Ил Түмэн Бэрэссэдээтэлэ Алексей Еремеев

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением