Издательский дом Редакция Подписка
Погода в Якутске: . -14 oC

Тохсунньу 18 күнүгэр Дьокуускайдааҕы медицинскэй колледж 2022 сыллааҕы үлэтин туһунан публичнай отчуот буолла.

Тохсунньу 18 күнүгэр Дьокуускайдааҕы медицинскэй колледж 2022 сыллааҕы үлэтин туһунан публичнай отчуот буолла.

Сүрүн дакылааты Медицинскэй колледж дириэктэрэ Дмитрий Алексеев иһитиннэрдэ. Тэрээһин кыттыылаахтара дакылаатчыкка ыйытыылары биэрдилэр.

мк2

мк3

Ил Түмэн Арктика дьыалатыгар уонна аҕыйах ахсааннаах норуоттар боппуруостарыгар сис кэмитиэтин бэрэссэдээтэлэ Елена Голомарева сэрэтэр медицина улахан суолталааҕын бэлиэтээтэ уонна омук дойдуларыгар ити хайысха хайдах үлэлиирин кэпсээтэ. Елена Христофоровна Колледж кэлэктиибигэр махтанан туран, Дьокуускайдааҕы медицинскэй колледж уопсай дьиэтин сэбиэдиссэйэ Василий Ильиҥҥэ, Булуҥ оройуонун киин балыыһатын кылаабынай бырааһын эмтиир үлэҕэ солбуйааччытын эбээһинэһин толорооччута Егор Никитиҥҥэ, Эдьигээн оройуонун киин балыыһатын кылаабынай бырааһын эмтиир үлэҕэ солбуйааччытын эбээһинэһин толорооччута Галина Элляеваҕа, Айхал куораттааҕы балыыһа улахан дьон поликлиникатын психиатр-нарколог бырааһа Матрена Колесоваҕа үтүө суобастаах үлэлэрин, доруобуйа харыстабылын тиһигэр тус кылааттарын иһин бочуоттаах грамоталары туттарда.

Медколледж1

Ил Түмэн доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин бэрэссэдээтэлэ Владимир Чичигинаров Дьокуускайдааҕы медицинскэй колледж үлэтин, ситиһиилэрин уонна инники соруктарын сырдатта:

чичгчинаров

– Бүгүн Дьокуускайдааҕы медицинскэй колледж дириэктэрэ Дмитрий Алексеев 2022 сыллааҕы үлэтин туһунан публичнай отчуотун иһиттибит. Мин Медицинскэй колледж үлэтин-хамнаһын, олоҕун-дьаһаҕын, үөрэтии процеһын иһиттэн билэбин. Ол иһин кинилэр отчуоттарын бүгүн үрдүктүк сыаналаатым. Тоҕо диэтэххэ, медицинскэй колледж Уһук Илиҥҥи зонаҕа, Сибииргэ инники сылдьар, киэн туттар үөрэтэр тэрилтэбит буолар.

Колледжка Дмитрий Афанасьевич салалтатынан элбэх инники технологиялар киирэн иһэллэр. Ол курдук, Аккредитационнай-симуляционнай киин үлэҕэ киирбитэ. Медицинскэй колледж устудьуоннара Россия уонна норуоттар икки ардыларынааҕы таһымнаах элбэх куонкурустарга, олимпиадаларга ситиһиилээхтик кыттан бириистээх миэстэлэргэ тиксэллэр. Аны туран, WorldSkills идэлэринэн улахан чөмпүйэнээт ыытар. Онно Медицинскэй колледж устудьуоннара эмиэ ситиһиилээхтик кытталлар, инники күөҥҥэ сылдьаллар.

Коронавируһу эмтээһиҥҥэ, ыалдьыбыт дьоҥҥо көмөнү оҥорууга волонтердар улахан өҥөлөөхтөр. Анал байыаннай операцияҕа хомуурдаммыт гражданнар дьиэ кэргэттэригэр волонтердар сүрдээҕин көмөлөһө сылдьаллар. Колледж устудьуоннара, кэлэктиибэ уонна выпускниктара волонтерскай хамсааһыҥҥа актыыбынайдык кытталлар. Онон бүгүн Кэмитиэтим аатыттан волонтердарга махталбын тиэртим.

Медколледж проблемаларын эмиэ билэбит. Билигин кинилэргэ 200 миэстэлээх уопсай дьиэ тутуута сүрүн кыһалҕа буолан турар. Онно бары бииргэ кыттыһан үлэлэһиэхпит диэн сыал-сорук туруоруннубут.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23