Олесь Гераймович Госдума дьокутаатын көмөлөһөөччүтэ буолла
Издательский дом Редакция Подписка
Погода в Якутске: . -48 oC

Саха Сирин блогера Олесь Гераймович Госдума дьокутаата Сардаана Авксентьева көмөлөһөөччүтэ буолла.  Кини дойду үрдүнэн араас эрэгийиэннэринэн сылдьыаҕа уонна видеосюжеттары устуоҕа,  диэн көрдөрөр-иһитиннэрэр хампаанньалар иһитиннэрэллэр.

Саха Сирин блогера Олесь Гераймович Госдума дьокутаата Сардаана Авксентьева көмөлөһөөччүтэ буолла.  Кини дойду үрдүнэн араас эрэгийиэннэринэн сылдьыаҕа уонна видеосюжеттары устуоҕа,  диэн көрдөрөр-иһитиннэрэр хампаанньалар иһитиннэрэллэр.

Олесь Петрович ютубка ааптарскай ханаалын 2018 сылтан арыйан үлэтин саҕалаабыта. Бүгүҥҥү күҥҥэ ханаалга 600 тыһ. тахса кэриҥэ сурутааччылаах. Бастакы видеоустууларын Ньурба куоратыгар саҕалаан, төрөөбүт дойдутун туһунан араас интэриэһинэй чахчылары кэпсиир этэ. Саха Сирин ураты тымныытын, саха киһитин төрүт дьарыгын, бултааһын уонна балыктааһын туһунан сонуннары сэргиирэ. Ол курдук, соҕотох ойуурга олорор киһи (отшельник)  Тимофей туһунан уһулбут матырыйаала дьон-сэргэ сэҥээритин ылан, киинэ дьоруойа «Бастакы ханаалга» ыҥырыллыбыта уонна чугас аймахтарын булбута биллэр.

Snimok ekrana 2022 01 12 v 14.26.12

Кэнники сылларга Олес Петрович социальнай хайысхалаах боппуруостары көтөҕөн үлэлээбитэ. Ньурба оройуонугар  оскуола уонна оҕо уһуйааннарын сокуону кэһиилээх тутууларыгар борокуратуура, дьокутааттар, уо.д.а. эппиэттээх сирэйдэр болҕомтолорун тардары ситиспитэ.

«Миигин Сардаана Владимировна хамаандатыгар ыҥырда. Ыҥырыкка сөбүлэстим. Кини туруорбут соруктарын хайдах ситиһэрин уонна дьоҥҥо көмөлөһөрүн истиҥник сөбүлүүбүн... мин сюжеттарбар эмиэ дьон-сэргэ букатын көрдөрүөн уонна этиэн баҕарбат кыһалҕаларын көтөҕөбүн. Билигин бу хайысхаҕа бииргэ үлэлиэхпит. Дойду үрдүнэн араас сирдэринэн айанаан, былаас өттүттэн ураты болҕомтону эрэйэр видеосюжеттары устуом», - диэн Олесь Гераймович үллэстэр.

Snimok ekrana 2022 01 12 v 14.26.30

Ыспыраапка. Олесь Петрович Гераймович 1980 сыллааҕы төрүөх. Ньурба олохтооҕо. Үрдүк үөрэхтээх - 2006 сыллаахха Байкааллааҕы экэниэмикэҕэ уонна быраапка судаарыстыбаннай университеты бүтэрбитэ. Кэргэннээх, икки оҕолоох. Кэргэнэ Яна эмиэ блогер.  Ютубка «Яна балыксыт» диэн ханаалы ситиһиилээхтик үлэлэтэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Сэргээ

Моника

Университекка экэниэмикэҕэ лиэксийэ ааҕарын таһынан, Сандал Николаевич бастакы…
28.01.23 17:54