Сокуон барыла бастакы ааҕыыга кулун тутар 22 күнүгэр ылыллыбыта. Эрэгийиэннэр муус устар 20 күнүгэр диэри Госдумаҕа иккис ааҕыыга ыытыахтаахтар.
Кѳрсүhүүгэ Галина Иннокентьевна сокуон барылын бары балаhыанньаларын, нуормаларын сиhилии быhаарда, ыйытыыларга эппиэттээтэ.
Бу сокуону бэлэмнээhин РФ Бэрэсидьиэнэ Влаимр Путин сорудаҕынан сылтан ордук барда. Саха Сиригэр уонна дойду атын хотугу субъектарыгар сокуону 25 сыл кэриҥэ күүттүлэр.
Госдума дьокутаата Галина Данчикова бу докумуону бэлэмнээhиҥҥэ дойду илиҥҥи эрэгийиэннэрин уонна Аартыканы сайыннарыыга Министиэристибэтэ тэрийбит экспертнэй бѳлѳҕүн састаабыгар киирэн үлэлээтэ. Онно Саха Сириттэн элбэх этии киирэн учуоттанна.
Муниципальнай тэриллиилэр баhылыктара сокуон 2023 сыл балаҕан ыйын 1 күнүгэр үлэҕэ киирдэҕинэ, тиэллэн кэлэр социальнай суолталаах ас табаардарыгар, эмкэ-томпко, оттукка уонна атын табаардарга сыана намтааhына буолуо дуо диэн ордук элбэхтик ыйыттылар.
Василий Кононов хаартыската.
Источник: Госдума дьокутаата Г.И. Данчикова сайта.
- 0
- 0
- 0
- 0
- 0
- 1