Сүрүн ирдэбилэ – эрэгийиэннэринэн ылыллар дьаһал хаһаайына суох кыылларга туһуламмыт сокуон ирдэбилигэр сөп түбэһиэхтээх. Ол түмүгэр, түөрт атахтаахтарга киһи сыһыана уларыйыахтаах уонна кыыллар дьоҥҥо саба түһүүлэриттэн көмүскээһини тэрийиитэ кыаллыахтаах. Госдумаҕа сокуон барылын көҕүлээһинин дьүүллэһиигэ нэһилиэнньэттэн барыта 25 тыһ. кэриҥэ туруорсуу киирбитэ бэлиэтэннэ. «Үгүс этиилэр учуоттаннылар уонна иккис ааҕыыга көннөрүүгэ киирдилэр», – диэн сенатордар иһитиннэрэллэр.
Сокуоҥҥа хаһаайына суох кыыллары приюттарга туруоруу, ону сэргэ «отлов- стерилизация-вакцинация-возврат» диэн систиэмэ нуормалара оннунан хааллылар. Ол курдук: «эрэгийэннэр бу ньымалары көдьүүстээхтик туһаныахтарын сөп», – диэн этиллэр. Маны таһынан, гуманнайдык сыһыаннаһыы бириинсиптэрин чопчулуур 17-с ыстатыйа уларыйбата. Холобур, көрүүтэ-истиитэ суох кыылларга гуманнайдык сыһыаннаһыы балаһыанньата булгуччу тутуһуллуохтаах. Итини сэргэ олохтоох салайыныы уорганнара бигэргэппит миэстэлэриттэн ураты дьиэ кыылларын көҥүллүк, босхо ыытар сокуонунан бобуллар.
Хаартыска интэриниэт ситимиттэн туһанылынна
-
0
-
0
-
0
-
0
-
0
-
0
