Бу иннинэ кини бары фракциялары кытта көрсүһүү оҥорбута, дьокутааттар боппуруостарыгар эппиэттээбитэ, этиилэрин бэлиэҕэ ылбыта. Пленарнай мунньахха дьокутааттартан ураты дьыалабыай уопсастыба, профосоюзтар, билим Академиятын, үөрэх үөрэхтээһин сүрүн тэрилтэлэрин бэрэстэбиитэллэрэ кытыннылар уонна видео-конференц сибээһинэн эрэгийиэннэр сокуону таһаарар уорганнара көрдүлэр.
Госдуума бэрэссэдээтэлэ Вячеслав Володин кандидатураны дьүүллэһии кэмигэр бырабыыталастыба бэрэссэдэтэлигэр туһаайан бэйтин көрүүлэрин, этиилэрин киллэрдэ. Онтон сүрүннээн билиһиннэрдэххэ, испиикэр тыа хаһаайыстыбатын сайыннарыыны сүрүн хайысха быһыытынан хаалларарга, мэдиссиинэ өттүгэр каадыр тиийбэтин быһаарыыга дьайыылаах миэрэлэри ыларга ыҥырда.
Михаил Мишустин инникитин алта сылга үлэтигэр сүрүн хайысханан Бэрэсидьиэн Федеральай Мунньахха Ыҥырыы Суругун тутуһуохпут диэтэ, ол курдук болҕомто киинигэр киирдилэр: экэниэмикэни бөҕөргөтүү,технологическай өртүнэн көҥүлү хааччыйыы, сыыппаралаах траснформацияны киллэрии, норуоту харыстааһын, ол иһигэр оҕолоох дьиэ кэргэни өйөөһүн, дойду олохтоохторун уйгутун үрдэтии, эрэгийиэннэр уонна инфраструктура тэҥник сайдыыларын тутуһуу. Аччыгый уонна орто биисинэс тэрилтэлэрин үлэһиттэрин дохуоттарын үрдэтэр наадатын ыйда. Дьиэ кэргэн ипотекатын биэриини салгыы 6 сылга диэри уһатыахпыт диэтэ. Ону тэҥэ, саҥа холбонор эрэгийиэннэр интеграцияланалларыгар, сайдалларыгар болҕомтобутун ууруохпут, анал байыаннай дьайыы кыттыылаахтарын өйүөхпүт, салгыы туох наадалааҕынан хааччыйыахпыт диэбитин бэлиэҕэ ылыахха сөп.
-
0
-
0
-
0
-
0
-
0
-
0
