Бу докумуон Арассыыйа Бэрэсидьиэнэ олунньу ыйдааҕы экэнэмиичэскэй боппуруостарга аналлаах мунньаҕар эппит сорудаҕын толорор. Сокуон көннөрүүлэрэ Нолуок кодексын тупсараллар, итиэннэ эрэгийиэннээҕи бырайыактарга чэпчэтиилэринэн туһаммыт инвестордар барыска нолуоктарын бүтүннүү төлүүллэрин хааччыйаллар.
“Бу миэрэ инвест-бырайыактар кыттыылаахтарын эппиэтинэстэрин үрдэтэр”, – диэн Галина Данчикова быһаарда.
Саҥа сокуон барыла олоххо киирдэҕинэ, эрэгийиэннээҕи бүддьүөттэр нолуокка ситэ ылбатах эбии дохуоттарын ылар кыахтаналлар. Ол эбэтэр инвестор усулуобуйаны толорбокко эрэ бырайыактан таҕыстаҕына, үлэлээбит кэмин устата туһаммыт чэпчэтиилэрин төттөрү төнүннэрэр.
Эрдэ Галина Данчикова сокуонун барылын РФ Бырабыыталыстыбата үрдүктүк сыаналаабыта.
-
0
-
0
-
0
-
0
-
0
-
0
