Издательский дом Редакция Подписка
Погода в Якутске: . 19 oC

Муус устар 18 күнүгэр «Боотур» этэрээт байыастара 1,5 ыйдаах бэлэмнэнии кууруһун ааһан, анал байыаннай зонаҕа айаннаатылар.

Муус устар 18 күнүгэр «Боотур» этэрээт байыастара 1,5 ыйдаах бэлэмнэнии кууруһун ааһан, анал байыаннай зонаҕа айаннаатылар.

Байыастары атаарар алгыстаах тэрээһиҥҥэ кинилэр чугас дьонноро, аймахтара, норуот дьокутааттара Сахамин Афанасьев уонна Андрей Находкин, СӨ Ил Дарханын дьаһалтатын уонна Бырабыыталыстыбатын салайааччыта Георгий Михайлов, «Боотур» этэрээт «Барс-2» батальонун хамандыыра Василий Егоров, СӨ Байыаннай дьайыы бэтэрээннэрин Ассоциациятын бэрэссэдээтэлэ Иван Черкашин кыттыыны ыллылар.

– Уолаттар бойобуой уонна өй-санаа өттүнэн үчүгэй бэлэмнээх айанныыллар, бу сүрүнэ. «Боотур» этэрээккэ Саха Сирин араас улуустарыттан баҕа өттүнэн кыттар байыастар киирэллэр, -- диэтэ норуот дьокутаата Андрей Находкин.

 — «Боотур» этэрээт тус сыаллаах байыаннай исписэлиистэри бэлэмнээн таһаарар. Этэрээккэ анал байыаннай дьайыыны ааспыт, идэтийбит инструктордар үөрэтэллэр. Ол курдук, миэстэтигэр тиийэн тургутууну ааһан, бойобуой сорудахтары толорор кыахтаах уолаттары талаллар. Кинилэр олус түмсүүлээхтэр, аармыйа дивизиятын састаабыгар киирэннэр, сүрүн тирэх буолаллар. Билигин анал байыаннай дьайыы ыытыллар кэмигэр бииргэ төрөөбүттэрин, волонтердар өйөбүллэрэ уолаттарга олус наадалаах. Дойдугутугар, дьоҥҥутугар-сэргэҕитигэр этэҥҥэ эргиллэргитигэр баҕарабын, - диэн Сахамин Афанасьев бэлиэтээтэ.

 — Өрөспүүбүлүкэ өттүттэн мобилизацияланааччыларга уонна кинилэр дьиэ кэргэттэригэр көдьүүстээх өйөбүл тиһигэ олохтонно. Уолаттар этэҥҥэ эргиллэн төннөллөрүгэр баҕарабын, - диэн норуот дьокутаата Андрей Находкин байыастар бары уопуттаахтарын уонна кыайыыга эрэллээхтэрин көрөрүн эттэ.

Санаттахха, байыаннай эпэрээссийэҕэ баҕа өттүнэн кыттааччылары бэлэмниир киин өрөспүүбүлүкэ араас муннуктарыттан байыаннай дьайыы ыытыллар сиригэр сулууспалаабыт уонна дойдуларыгар төннүбүт 500-тэн тахса байыаһы бэлэмнээбитэ.

— Эһиги курдук патриот дьонноох дойдубут кыайарыгар эрэллээхпит! Сулууспалыыр кэмҥитигэр дьиэ кэргэҥҥитигэр долгуйбаккыт туһугар бары усулуобуйаны тэрийэргэ кыһаллыахпыт, — диэтэ Георгий Михайлов.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением