Ил Түмэн дьокутаата Владимир Чичигинаров “Амарах санаа маһыгар” кыттыһан, В.П. Решетников аатынан өрөспүүбүлүкэтээҕи кырдьаҕастар дьиэлэригэр, Кинигэ-03 биэнсийэлээхтэр уонна инбэлииттэр анал бибилитиэкэлэригэр “Ил Түмэн” хаһыаты 2021 сыл II аҥаарыгар сурутан бэлэх уунна.
Владимир Ильич бары кэллиэгэлэрин, норуот дьокутааттарын уонна өрөспүүбүлүкэ амарах санаалаах салайааччыларын, үтүө санаа аахсыйатыгар көхтөөхтүк кыттыһалларыгар ыҥырар.
“Ил Түмэн” хаһыат өрөспүүбүлүкэҕэ сокуону оҥорууга, федеральнай уонна өрөспүүбүлүкэтээҕи сокуоннары быһаарыыга, Ил Түмэн дьокутааттарын үлэлэрин-хамнастарын сырдатыыга аналлаах суос-соҕотох парламентскай хаһыат. Хаһыат ааҕааччылара өрөспүүбүлүкэ социальнай-экэнэмиичэскэй, уопсастыбаннай уонна култуурунай сайдыытыгар сыһыаннаах матырыйааллары булан ааҕар кыахтаахтар. Ону сэргэ, биэнсийэҕэ, социальнай көмүскэлгэ, нолуокка, босуобуйаларга, араас чэпчэтиилэргэ аналлаах сиһилии быһаарыылары булан күннээҕи олохторугар-дьаһахтарыгар туһаныахтарын сөп.
“Ил Түмэн” хаһыакка сурутуон баҕалаахтар бу сүбэлэри туһанан сурутуоххутун сөп.
-
0
-
0
-
0
-
0
-
0
-
0
