Норуот дьокутаата Дмитрий Семенов социальнай ситимнэргэ бу туһунан суруйар:
- Аҕа Дойду көмүскээччилэрин күнүн көрсө М.К. Аммосов аатынан ХИФУ Байыаннай үөрэх киинин (ВУЦ) начаалынньыга, подполковник Геннадий Сысоевтыын көрүстүм. Кэпсэтии Аартыка, өрөспүүбүлүкэҕэ Аартыка сэрииһиттэрин бөлөхтөрүн, Аартыкаҕа байыаннай чаастары төрүттүүр кыахтар тустарынан барда.
ХИФУ иһинэн Байыаннай үөрэх киинин устудьуоннарын ортолоругар кылаас чааһы ыыттым. Сэбиэскэй аармыйаҕа сулууспалаабыт кэмнэрин уопутун үллэһинним.
Төрөөбүт дойдутугар бэриниилээх буолуу туһунан бирисээгэ биэрии кэмҥэ саллаат тугу саныырын кэпсээтим. Байыаннай үөрэх киинигэр үөрэнэ сылдьар устудьуоннар туттунууларын, дьиссипилиинэлэрин, төрөөбүт дойдуларын иннигэр ытык иэстэрин өйдүү сылдьалларын тута бэлиэтээтим. Киин салалтатыгар уонна преподавательскай састаабыгар истиҥ махтал эрэ диэхпин баҕарабын.
Онон, көрсүһүү кэннэ, университет иһинэн байыаннай кафедраны чөлүгэр түһэрии туһунан быһаарыы ылыныллыбытын олус наадалааҕынан уонна сөптөөҕүнэн аахтым. Дойдуга бэриниилээх буолуу бирисээгэ биэрбиттэри кэлэн иһэр Аҕа дойдуну көмүскээччилэр күнүнэн итиитик-истиҥник эҕэрдэлиибин!
-
1
-
0
-
0
-
0
-
0
-
0
