Амма улууһа гражданскай сэрии кэмигэр ураты миэстэни ылар. Аммаҕа 27 хаан тохтуулаах кыргыһыы буолбута. Сэрии историятыгар "Муустаах осада" диэн ааттанан киирбит 18 күннээх Саһыл Сыһыы героическай оборуоната историяҕа биир улахан кыргыһыы быһыытынан киирбитэ.
“Бу Амма сирэ-уотэ буурҕа-буулдьа дьылын тыыннаах кэрэһиттэрэ буолаллар. Саһыл Сыһыы икки мемориальнай комплекса буулдьа суолларын билигин да илдьэ сылдьаллар. Абаҕа олохтоох дьоно Кыһыл Аармыйаҕа көмөлөһөн, Строд аармыйатын дьонун тыыннаах хааларыгар төһүү буолбута саарбахтаммат. 1936 сыллаахха кэлэ сылдьан, дьиэ эркинигэр улуу сэрии буолбутун туоһулуур суругу хаалларан барбыта”, - диэн норуот дьокутаата историяны ахтан-санаан, историяны үйэтитэр олохтоох дьон үлэтин-хамнаһын үрдүктүк сыаналаата.
Елена Голомарева: “Маннык история чахчыларын түмэр, харыстыыр, үйэтитэр дьон баара олус үчүгэй. Иван Мохначевскай 92 саастаах. Доҕорун кэриэһин толорон, кини кэргэнин көрдөһөн, Сашка-пулеметчик уҥуоҕун Саһыл Сыһыыга аҕалтарбыта. Маннык үтүө дьон баар буолан, билигин да дьон-сэргэ дьоруойдуу охсуспут дьону кэриэстээн, ытыктаан, манна кэлэн тохтоон, сүгүрүйэн ааһаллар. Норуот өйдүүрүн тухары дьоруойдар ааттаара өрүү тыыннаах».
Санатар буоллахха, Ил Дархан Айсен Николаев Аммалар туруорсууларынан гражданскай сэрии бүппүтүн туоһулуур «Саһыл Сыһыы» комплекс тутуутун өйөөтө. Онон өрөспүүбүлүкэ 100 сылыгар «Историческай өйдөбүнньүк» бартыйнай бырайыак нөҥүө олоххо киириэҕэ.
-
1
-
0
-
0
-
0
-
0
-
0
