Ол иһигэр, 6 995 129 солк. суумалаах инфраструктура, 3 295 896 солк. суумалаах материальнай сыаннас, 931 300 солк. суумалаах тыа хаһаайыстыбатын култуурата эмсэҕэлээбит, 359 426 солк. суумалаах сүөһү-сылгы, куурусса суох оҥоһуллубут.
– Хоромньуну ааҕыы түмүктэнэн эрэр. Хамыыһыйалар эмсэҕэлээбит эбийиэктэри көрөн-истэн бараннар, акт уонна симиэтэ оҥороллор. Хоромньу чуолкайа тирэх буолар докумуон барыта бэлэмнэннэҕинэ эрэ биллиэҕэ. Эмсэҕэлээбит эбийиэктэр докумуоннара Арассыыйа Федерациятын Тыатын хаһаайыстыбатын министиэристибэтигэр ыытыллыахтара, ол быһыытынан Бырабыыталыстыба саппаас пуондатыттан хоромньу сорох чааһын толуйууга көмө көрүллүөҕэ. Ону таһынан өрөспүүбүлүкэ саппаас пуондатыттан үп көрүллүүтүгэр үлэ ыытыллыаҕа, – диир тыа хаһаайыстыбатын миниистирин солбуйааччы Николай Афанасьев.
Барыллаан ааҕыы быһыытынан халааҥҥа былдьаммыттар:
-- Алта хотон, биир буойуна сыаҕа, биир үүтү тутар пуун;
-- 661 туонна от, ол иһигэр 649,5 туонна кур от, 11,5 туонна быйылгы от;
-- 3,53 гектар хортуоппуй ыһыыта;
-- Сэттэ сүөһү: 2 сылгы, 5 биэ, 38 куурусса.
-
0
-
0
-
0
-
0
-
0
-
0
