Издательский дом Редакция Подписка
Погода в Якутске: . -14 oC

Сунтаар улууһун Биисинэс инкубаторын резиденнэрэ, “Мин биисинэһим” киин уонна “Спектр” ХЭУо бүтүн Арассыыйатааҕы “Оскуолаҕа тэрийэргэ көмөлөс!” аахсыйа чэрчитинэн “Оҕону оскуолаҕа тэрий!” диэн бэйэлэрин бырайыактарын олоххо киллэрдилэр.

Сунтаар улууһун Биисинэс инкубаторын резиденнэрэ, “Мин биисинэһим” киин уонна “Спектр” ХЭУо бүтүн Арассыыйатааҕы “Оскуолаҕа тэрийэргэ көмөлөс!” аахсыйа чэрчитинэн “Оҕону оскуолаҕа тэрий!” диэн бэйэлэрин бырайыактарын олоххо киллэрдилэр.

Урбаанньыттар сыллата кыаммат ыалларга канцелярскай табаардарынан көмөлөһөр этилэр. Бу сылга бары биир оҕону талан, баһыттан атаҕар диэри оскуола малынан бүтүннүү хааччыйарга быһаарыммыттар. Быйыл бырайыак сүрүн дьоруойунан Сунтаар сэлиэнньэтин 2-с №-дээх оскуолатын 7 кылааһын үөрэнээччитэ Владислав Петров буолбут. Урбаанньыттар бу оскуоланы кытта 2019 сылтан ыкса үлэлэһэллэр.

Бырайыак бастакы түһүмэҕэр Биисинэс-инкубатор баттах кырыйааччылара Владикка муодунай бүрүчүөскэ оҥорон биэрбиттэр. Онтон харчы хомуйан баһыттан атаҕар диэри таҥыннарбыттар – көстүүм, түүппүлэ, кур, хаалтыс, ырбаахы, спортивнай көстүүм, футболка, кроссовка, үрүксээк, тэтэрээт уонна тус бэйэтигэр эрэ аналлаах күнньүк атыылаһан бэлэхтээбиттэр. Дистанционнай үөрэх саҕаламмытынан урбаанньыт Т.В. Петрова уолга Honor 8S диэн саҥа суотабай төлөпүөнү бэлэх туттарбыт.

Сунтаар урбаанньыттара Владик үөрэҕэр элбэҕи ситиһиэ, инники олоҕун бигэтик оҥостуо диэн эрэнэллэр.

WhatsApp Image 2020 09 02 at 13.20.55WhatsApp Image 2020 09 02 at 13.20.56

Бырайыак кыттааччылара: Биисинэс киин дириэктэрэ М.В. Саввинова, Биисинэс-инкубатор администратора М.С. Васильева, “Мин биисинэһим” киин сэбиэдиссэйэ А.А. Прокопьева, “Марсуна” парикмахерскай кэлэктиибэ (М.А. Саввинова, Е.Д. Иванова, А.И. Игнатьева, А.Е. Иванова), ИП “Петрова Т.В.”, “Ыраас эйгэ” клининговай хампаанньа (сал. Д.А. Исагалиева), “Вольт” ХЭУо, “Спектр” ХЭУо.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением