Саҥа тарыып: Ким суотугар үрдэтилиннэ?
Издательский дом Редакция Подписка
Погода в Якутске: . -48 oC

Быйыл, тохсунньуттан Арассыыйа, ол иһигэр Саха Сирин олохтоохторо, хомунаалынай өҥөнү  саҥа тарыыбынан төлүүр буоллулар. 

Быйыл, тохсунньуттан Арассыыйа, ол иһигэр Саха Сирин олохтоохторо, хомунаалынай өҥөнү  саҥа тарыыбынан төлүүр буоллулар. 

Ити сылытыы, итии уонна тымныы уу, электроэнергия, гаас, бөҕү тоҕуу уонна кытаанах уматык иһин төлөбүр тарыыба 2022 сыл ахсынньы 1 күнүттэн индексацияламмытыттан таҕыста. Саҥа тарыып 2024 с. бэс ыйын 30 күнүгэр диэри уларытыллыа суохтаах. Онуоха нэһилиэнньэ ортотугар киҥир-хаҥыр саҥа үөскээтэ. Итини быһаарар сыалтан бүгүн, тохсунньу 18 күнүгэр,  Ил Түмэҥҥэ «КПРФ» бэлитиичэскэй баартыйа  фракцията бу боппуруоска анаммыт төгүрүк остуолу тэрийэн ыытта. Сыана бэлиитикэтигэр уонна тарыыптарга сыһыаннаах биэдэмистибэлэр бэрэстэбиитэллэрэ саҥа тарыып ырычааҕын туһунан быһаардылар.

– Билэргит курдук, кэлиҥҥи уон сылга тарыыптар от ыйын 1 күнүттэн, сыана ыарааһынын таһымыттан көрөн, уларытыллан иһэллэр. Быйыл дойду Бырабыыталыстыбата бу болдьоҕу урутатан, 2022 сыл ахсынньы 1 күнүттэн киллэрдэ, – диэтэ өрөспүүбүлүкэтээҕи Сыана бэлиитикэтин судаарыстыбаннай кэмитиэтин салайааччы Антонина Винокурова. – Маннык дьаһал быйылгы, 2023 сыллаах, инфляцияны тутар сыалтан оҥоһулунна. Кэлиҥҥи чахчынан, Арассыыйаҕа инфляция таһыма 13,9 % тиийдэ. Онтон сылтаан, олоҕу-дьаһаҕы хааччыйар сүрүн тэрилтэлэр оҕустарбаттарын, эбии ноҕуруусканы сүкпэттэрин туһугар, сыана ыарааһынын көрсө тарыыбы уларытан биэрии болдьоҕун иннинэ оҥоһулунна. Итиэннэ, балтараа сыл устатыгар, ол эбэтэр 2024 сыл от ыйын 1 күнүгэр диэри уларытыллыа суоҕа. Ону нэһилиэнньэ сөпкө өйдүүрэ наада.

Норуот дьокутааттара уонна суруналыыстар үгүс чопчулуур ыйытыылары биэрдилэр. Онуоха, туох кыһалҕалар көтөҕүллүбүттэрин туһунан сиһилии «Ил Түмэн» хаһыат кэлэр нүөмэригэр ааҕаарыҥ.

  • 0
  • 0
  • 0
  • 0
  • 3
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Сэргээ

Моника

Университекка экэниэмикэҕэ лиэксийэ ааҕарын таһынан, Сандал Николаевич бастакы…
28.01.23 17:54