Издательский дом Редакция Подписка
Погода в Якутске: . 28 oC

РФ үпкэ министиэристибэтэ испиир уонна үрдүк кыраадыстаах итирдэр утахтар сыаналарын уларытар туһунан бирикээстэр барылларын бэлэмнээтэ уонна нэһилиэнньэ дьүүлүгэр нуормалыыр-быраап аахталарын бырайыактарын федеральнай порталыгар таһаарда.

РФ үпкэ министиэристибэтэ испиир уонна үрдүк кыраадыстаах итирдэр утахтар сыаналарын уларытар туһунан бирикээстэр барылларын бэлэмнээтэ уонна нэһилиэнньэ дьүүлүгэр нуормалыыр-быраап аахталарын бырайыактарын федеральнай порталыгар таһаарда.

Бирикээстэр бырайыактарынан көрдөххө, 0,5 лиитэрэ бытыылкалаах буокка атыыга 281-тэн 299 солк., коньяк 517-тэн 556 солк. диэри, бренди 375-тэн 403 солк. диэри үрдэтэр былааннаахтар. Ону сэргэ, биэдэмистибэ саамай кыра сыананы олохтуур арыгы утахтарын испииһэгэр ром арыгыны киллэрэргэ быһаарда. Ол курдук, ром 403 солкуобайтан итэҕэһэ суох сыанаҕа атыыланыаҕа.

Министиэристибэтэ быһаарыытынан, итирдэр утахтар сыаналарын уларытыы инфляция таһымын кытта сибээстээх, итиэннэ арыгы бородууксуйатыгар 9 бырыһыан ыстаапката үрдээбит  уонна  оҥорон таһаарыы ороскуота улааппыт.

Маны таһынан, аска-үөлгэ туттуллубат 1 лиитэрэлээх этиловай испиир сыанатын 51-тэн 55 солк. диэри, оттон атын этиловай испиирдэргэ 68-тан 73 солк. диэри улаатыннарарга этиллэр. Бирикээстэри чопчу бигэргэттэхтэринэ, итирдэх утахтар сыаналара бу сыл бэс ыйын 1 күнүттэн уларыйыаҕа.

Билигин киин куорат арыгы атыылыыр маҕаһыыннарыгар 0,5 лиитэрэлээх буокка ортотунан 340 солк., оттон биир лиитэрэлээх  700 солк. атыыланар.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51