Докумуон РФ Арктикатын зонатыгар предпринимательскэй үлэ бэрээдэгин, быраабын уонна өйөбүл миэрэтин мэктиэлиир. Арктика зонатын РФ Уһук Илини сайыннарыы министиэристибэтинэн бары нормативнай-быраап өттүнэн салайыллар. Ону кытта бу үлэни бэрээдэктиир Арктика зонатын сэбиэтэ тэриллэрэ сабаҕаланар.
Артика зонатыгар Ненецкэй, Чукотскай, Ямало-Ненецкэй автономнай уокуруктар, Карелия, Коми уонна Саха өрөспүүбүлүкэтин, Красноярскай кыраай, Архангельскай уобалас сорох территориялара киирсэллэр.
Арктика зонатыгар судаарыстыба өйөбүлүн миэрэтигэр хапсар резиденнэринэн 1 мөл. солкуобайы тэрийэр дьыалаларыгар угар коммерческэй тэрилтэлэр уонна урбаанньыттар буолуохтарын сөп. Кинилэр федеральнай, регионнарын уонна олохтоох нолуоктарыгар чэпчэтиилээх буолаллар, страховой усуонуоска төлүүр ороскуоттарын сорох чааһа толуйуллар. Маны таһынан РФ Бырабыыталыстыбата кирэдьиит ыстаапкатыгар субсидия көрүөн сөп. Сокуон олоххо 45 күнүнэн киириэхтээх диэн РИА сонуннара суруйаллар.
-
0
-
0
-
0
-
0
-
0
-
0
