“СӨ олорор дьиэни тутуу дирекцията” Дьокуускайга саҥа тутулла турар дьиэҕэ тупсаҕай оҥоһуулаах 15 кыбартыыраны электроннай аукциоҥҥа оонньоторун туһунан биллэрдэ.
"Бу кыбартыыралары «2019-2025 сылларга хаарбах дьиэттэн көһөрүү» өрөспүүбүлүкэтээҕи тус сыаллаах бырагыраама чэрчитинэн атыылаһыллыахтара." - диэн СӨ Бырабыыталыстыбатын дьаһалтатын пресс-сулууспата иһитиннэрэр.
Кыбартыыралар типовой өрөмүөннээх, уот ситимигэр холбоммут, маны таһынан, дьиэ таһыгар оҕо былаһаакката уонна массыына турар миэстэтэ баар буолуохтаахтар. Уопсайа 14 биир хостоох уонна 1 икки хостоох кыбартыыра былааннаммыт. Бэдэрээччиги кытары 50 мөлүйүөн солкуобайдаах хантараак түһэриллибит.
Хантараак быһыытынан, 2022 сыл сэтинньи 20 күнүгэр диэри тутааччы үлэтин түмүктээн, сакаасчыттарга кыбартыыраларын туттарыахтаах. Ол курдук, бэдэрээччиги кытары 50 мөлүйүөн солкуобайга хантараак түһэриллиэ. Тиэндэргэ кыттыыны ыларга алтынньы ый 1күнүгэр диэри сайаапка хомуйуллар. Үбүлээһин бүддьүөт таһынан оҥоһуллуо.
-
0
-
0
-
0
-
0
-
0
-
0
