Издательский дом Редакция Подписка
Погода в Якутске: . 24 oC

Кураантан уонна аһыҥаттан өрүсүһэн, биирдиилээн хаһаайыстыбалар ходуһаҕа эрдэ, от ыйын саҕаланыытыгар киирбиттэрэ, оттон маассабай оттооһун Бөтүрүөп таҥара күнүн кэнниттэн, от үүнүүтэ сиппитин кэннэ, саҕаланна.

Кураантан уонна аһыҥаттан өрүсүһэн, биирдиилээн хаһаайыстыбалар ходуһаҕа эрдэ, от ыйын саҕаланыытыгар киирбиттэрэ, оттон маассабай оттооһун Бөтүрүөп таҥара күнүн кэнниттэн, от үүнүүтэ сиппитин кэннэ, саҕаланна.

Быйыл сайын бас билии көрүҥүттэн тутулуга суох, өрөспүүбүлүкэ үрдүнэн 441 881 туонна от оттонуохтаах, 13 260 туонна сенаж оҥоһуллуохтаах, 29 580 туонна сиилэс угуллуохтаах. Тыа хаһаайыстыбатын министиэристибэтин чахчытынан, от ыйын 18 күнүнээҕи туругунан, күөх быйаҥ күрэҕэр 3 359 киһи, 1 516 тыраахтар, 1492 звено, ол иһигэр 310 толору мэхэньисээссийэлээх, 575 ситэтэ суох мэхэньисээссийэлээх, 6 көлө, 590 илии звенолара тахсан, оттуу сылдьаллар. Барыта 6 000 гектар иэннээх бааһына сирэ охсуллан, 1956 туонна от кэбиһиллибит.

Ил Дархан Айсен Николаев быйыл оту өрөспүүбүлүкэ иһиттэн хааччынар, тастан оту атыыласпат соругу туруорбута, былааны толорбот туруктаах улуустар мобильнай биригээдэлэринэн ыраах учаастактарга көһөн оттооһуну эрдэттэн тэрийэллэригэр эппитэ. Бырабыыталыстыба бэрэссэдээтэлин солбуйааччы Михаил Никифоров онлайн киэбинэн ыытыллыбыт оттооһуҥҥа анаммыт сүбэ мунньахха ол туһунан улуустар баһылыктарыгар өссө төгүл санатта. Сүөһү дорохой аһылыгын бэлэмнээһин үлэтэ быйыл эмиэ судургута суох быһыыга-майгыга ыытылларын, кэккэ улуустарга курааннаабытын, аһыҥа турбутун таһынан, балысхан ардахтан хайа үрэхтэрэ хааларыттан тахсыбыттарын түмүгэр Дьааҥы, Кэбээйи уонна Горнай улуустарыгар элбэх ходуһа ууга былдьаммытын туһунан эттэ.

– Улуустарга от үүнүүтэ араас, үчүгэй үүнүүлээх улуустар саппааска анаан оттуурга, оттон курааннаабыттар бастатан туран бэйэ сиригэр оттоон баран, ыраах учаастактарынан оттооһуну тэрийиҥ. Кыстыыр оту хааччынар инниттэн миэстэҕэ балаһыанньа хайдаҕыттан көрөн, суһал дьаһаллары ылыныҥ. Үп-харчы тиэрдиллэн турар, онон оттооһуну сөптөөхтүк тэрийэргэ усулуобуйа баар, – диэтэ Михаил Никифоров.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Дуоҕа Амматтан Нерюнгрига

Бэҕэһээ, бэс ыйын 21 күнүгэр Алгыстаах Аммаҕа үс күн устата ыытыллыбыт Олоҥхо ыһыаҕа…
22.06.24 11:00
Уопсастыба

«Тур, сүүнэ дойду!»

1941 сыллаахха бэс ыйын 22 күнүгэр сарсыарда 4 чааска Германия Сэбиэскэй Сойууска…
22.06.24 10:42