Үүнүү Амма өрүс кытылыгар сытар Болугур уонна Соловьев нэһилиэктэригэр үчүгэй, үрэх сирдээх уонна искусственнай ардах хаппыт нэһилиэктэригэр куһаҕана суох.
Курааннаабыт нэһилиэктэр дьаһалталара төһөнү оттуур кыахтаахтарын ааҕынан-суоттанан, ханнык хаһаайыстыбалар мобильнай биригээдэ тэринэн, ханна баран оттуурга быһаарыналларын биитэр от атыылаһарга суоттаналларын быһаарбыттар. Холобур, Болугур нэһилиэгин дьаһалтатын тыа хаһаайыстыбатыгар исписэлииһэ Наталья Кузьмина иһитиннэрбитинэн, кинилэр нэһилиэктэригэр Чыаппара, Дириҥ уонна Сылаҥ хаһаайыстыбалара оттуу кэлиэхтээхтэр. Ити курдук бэйэлэрин сирдэрин бүтэрэн баран, соловьевтарга атын нэһилиэктэр отчуттара эмиэ тиийиэхтээхтэр.
Тыа хаһаайыстыбатын улуустааҕы управлениета нэһилиэктэртэн чахчылары хомуйан-түмэн, сорудах 72 %-а толоруллуон сөбүн барыллаан, мобильнай биригээдэлэри ыытан эбии оттотор уонна от атыылаһар туһунан Бүлүү, Кэбээйи уонна Нам улуустарын дьаһалталарын кытары кэпсэтии ыыта сылдьар. Ону таһынан ааспыт сылларга курдук, сорох хаһаайыстыбалар Өлүөнэ өрүс арыытыгар киирэн уонна Уус Маайа Нуотаратыгар тахсан оттуурга былааннаналлар.
-
0
-
0
-
0
-
0
-
0
-
0
