Издательский дом Редакция Подписка
Погода в Якутске: . -14 oC

Ил Түмэн бэрэссэдээтэлэ Алексей Еремеев муус устар 27 күнүгэр РФ Федеральнай мунньаҕын иһинэн үлэлиир РФ сокуон оҥорооччуларын Сэбиэтин мунньаҕар кытынна.

Маннык мунньах Санкт-Петербург куорат Таврическай дыбарыаһыгар үгэс быһыытынан Арассыыйа парламентаризмын күнүгэр буолар үгэстээх.

Ил Түмэн бэрэссэдээтэлэ Алексей Еремеев муус устар 27 күнүгэр РФ Федеральнай мунньаҕын иһинэн үлэлиир РФ сокуон оҥорооччуларын Сэбиэтин мунньаҕар кытынна.

Маннык мунньах Санкт-Петербург куорат Таврическай дыбарыаһыгар үгэс быһыытынан Арассыыйа парламентаризмын күнүгэр буолар үгэстээх.

Сокуон таһаарааччылар мунньахтарыгар дойду Бэрэсидьиэнэ Владимир Путин, Судаарыстыбаннай Дуума Бэрэссэдээтэлэ Вячеслав Володин уонна Федерация сэбиэтин Бэрэссэдээтэлэ Валентина Матвиенко кытыннылар.

Бэбиэскэ чэрчитинэн РФ субъектарыгар экэнэмиичэскэй сааҥсыйалар кэмнэригэр экэниэмикэлэрин сайдыытыгар маҥнайгы дьайыылары уонна эрэгийиэннэр үп-харчы өттүнэн бигэ буолууларын ырыттылар.

Тас дойдулартан ыгыттарыы кэмигэр, Арассыыйа суверинитетын уонна норуотун харыстыыр туһугар былаас бары салаалара түмсэллэрэ уолдьаста. Бу туһунан Федерация сэбиэтин Бэрэссэдээтэлэ Валентина Матвиенко Парламентаризм күнүнэн эппит тылыгар бэлиэтээтэ. Үрдүкү палаата спикерэ сенатордары уонна дьокутааттары бу бэлиэ күнүнэн эҕэрдэлээтэ.

«Сенатордар уонна дьокутааттар идэтийэн туран, көдьүүстээхтик үлэлииллэр, национальнай интэриэстэр уонна гражданнар конституционнай бырааптара күөмчүлэммэтигэр, экэниэмикэ бигэ туруктанарыгар уонна дьон олоҕо тупсарыгар сыраларын уураллар», - диэн тоһоҕолоото кини.

РФ экэнэмиичэскэй сайдыытын миниистирэ Максим Решетников сааҥсыйалар кэмнэригэр үп ырыынагар быһыыны-майгыны уонна саҥа усулуобуйаҕа экэниэмикэ уларыйыытыгар былааннары сырдатта.

«Логистика уонна оҥорор таһаарар сибээстэри уларытыы, саҥа ырыынакка киирии, үһүн болдьохтоох инвестициялары толкуйдааһын -- былаас уорганнарыттан кыахтары барытын түмүүнү ирдиир. Маныаха сокуон таһаарааччылар Сэбиэттэрин оруола, былааһы ситимниир уорган быһыытынан, ордук үрдүүр», - диэн Максим Решетников эттэ. Кини  бэлиэтииринэн, билигин эрэгийиэннэр экэниэмикэлэрэ логистика уларыйарыттан, таһаҕас тиэйииттэн, импортан уонна экспортан  быһаччы тутулуктаах.

Валентина Матвиенко Саха АССР тэриллибитэ 100 сылын уонна Ил Түмэн Бэрэссэдээтэлэ Алексей Еремеев төрөөбүт күнүн болҕомтото суох хаалларбата.

«Биир үөлээннээхтэрим, бүгүн, муус устар 27 күнүгэр, Арассыыйа саамай улахан субъега -- Саха Өрөспүүбүлүкэтэ – тэриллибитэ 100 сылын туолар. Бу бэлиэ күнүнэн биһиги Саха Сирин олохтоохторун эҕэрдэлиибит, инникитин ситиһиилэри баҕарабын. Соһуйуох иһин, бүгүн төрөөбүт күнүн СӨ Ил Түмэнин Бэрэссэдээтэлэ Алексей Ильич Еремеев ылар. Кинини аанньалын күнүнэн  эҕэрдэлиэххэ», - диэн мустубуттарга этэн, спикербитин ытыс дохсун тыаһынан эҕэрдэлээтилэр.

Саха Сирин спикерэ харда тылыгар махтанна уонна Саха Өрөспүүбүлүкэтэ 100 сылын сэргэ, быйыл Саха Сирэ Арассыыйа судаарыстыбатыгар баҕа өттүнэн киирбитэ 390 сыла буоларын эттэ.

«Валентина Ивановна, улахан махтал, бүгүн биһиги төрөөбүт күммүтүн санаабыккар. Уонна өссө улахан махтал – Арассыыйа Судаарыстыбатыгар! 390 сыл анараа өттүгэр Саха Сирэ баҕа өттүнэн кини састаабыгар киирбитэ. Аны 10 сылынан модун держава сорҕото буолбуппут 400 сылын бэлиэтиэхпит», - диэн түмүктээтэ уонна Федерация Сэбиэтин Бэрэссэдээтэлигэр өрөспүүбүлүкэ аатыттан үбүлүөйдээх бэлиэни туттарда.

РФ Тыа хаһаайыстыбатын миниистирэ Дмитрий Патрушев конструктивнай уонна утумнаах суох кэпсэтии тыа хаһаайыстыбатын министиэристибэтин, Федарация сэбиэтин, Судаарыстыбаннай Дуума икки ардыларыгар барыахтааҕын, ол сибээс дойдубут агропромышленнай комплекса сайдарыгар төһүү күүс буолуохтааҕын ыйда. Маны тэҥэ бэйэтин этиитигэр байыаннай быһыы-майгы кэмигэр бырабыыталыстыба уоннна тустаах министиэристибэ кириисиһи утары миэрэлэрин кэпсээтэ.

Салгыы РФ субъектарын сокуон таһаараачччы уорганнарын салайааччылара тыл эттилэр.

Федерация сэбиэтин спикерэ Валентина Матвиенко санаатынан, саҥа ыҥырыылар сайдыыга кыах биэрэллэр. Маны сэргэ былаас уорганнарын бары салааларын бииргэ буолуулара, сомоҕолоһуулара ураты суолталанар.

«Саҥа усулуобуйаларга экэниэмикэни салайыыга кириисиһи утары систиэмэ киининэн уталытыллыбакка оҥоһуллуохтаах Бу былаан РФ Бырабыыталыстыбатынан илии баттаммыта», - диэн эттэ.

Парламентарийдары кытары дойду баһылыга Владимир Путин көрүстэ. Дойду салайааччыта сокуон таһаарааччылары Арассыыйа парламентаризмын күнүнэн эҕэрдэлээтэ. Кини эппитинэн, 2020 сылга ылыллыбыт Конституцияҕа уларыйыылар парламент суолтатын ордук бөҕөргөппүттэр, маны тэҥэ Арассыыйаҕа сокуон таһаарыыта тутулуга суох буоларыгар усулуобуйа тэрийбит, национальнай юрисдикция тастан үөрэтиитэ уонна кыттыыта суох сайдарыгар олук буолбут.

«Биһиги дойдубутугар норуот, норуот эрэ сокуону таһаарааччы буолар», — диэтэ Владимир Путин.

  • 0
  • 0
  • 0
  • 0
  • 1
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением