Үөрүүлээх быһыыга-майгыга аҺыллыытыгар Ил Түмэн бэрэссэдээтэлин солбуйааччы Виктор Губарев кыттыыыны ылла.
Көҕүлээччи тэрийээччинэн Ил Түмэн дьокутаата, «Арктик Капитал» ХЭТ генеральнай дириэктэрэ Матвей Евсеев буолар. Кини бэлиэтииринэн, быыстапка улуу Кыайыы 77 сылын чэрчитинэн, чулуу полководецтарбыт фашистары кытары кыргыһыыга героическай быһыылара умнуллубатын туһугар туһуланар, кинилэр өҥөлөрүн эдэр ыччат билэригэр сыалланар.
Эҕэрдэ тылларын Ил Түмэн вице-спикерэ Виктор Губарев, СӨ судаарыстыбаннай уонна уопсастыбаннай диэйэтэлэ Дмитрий Наумов, спорт бэтэрээннэрэ Прокопий Готовцев уонна Михаил Друзьянов эттилэр.
Быыстапкаҕа Надежда Усова, Михаил Друзьянов, Дмитрий Наумов, Афанасий Мигалкин, Анатолий Кырджагасов, Виктор Губарев салайар өрөспүүбүлүкэтээҕи КПРФ салаатын хомуурунньуктара экспонат быһыытынан турдулар.
«Бу мээнэ коллекционердар буолбатах, кинилэр Аҕа дойду Улуу сэриитин историктара буолаллар», - диэн ыалдьыттар бэлиэтээтилэр.
Быыстапка дьоруойдара – Аҕа дойду сэриитин полководецтара, Кыайыы маршаллара.
Манна даҕатан эттэххэ, «Маршал Советского Союза» ааты уопсайа 41 киһи сүгэр. Балартан 10 киһи -- "Победа" диэн ССРС муҥутуур байыаннай наҕараадатынан бэлиэтэммитэ. Сэбиэскэй Сойуус Маршала аат бүтэһигин 1990 сыл муус устар 28 күнүгэр Дмитрий Язовка иҥэриллибитэ.
1944 сыл муус устар 10 күнүгэр «Победа» уордьан маҥнайгы үс кавалерын аата биллибитэ. Бу Сэбиэскэй Сойуус маршаллара: Георгий Жуков, Александр Василевский уонна Иосиф Сталин. Кинилэр кэннилэриттэн уордьаны Константин Рокоссовскай, Иван Конев, Родион Малиновский, Федор Толбухин, Леонид Говоров, Семен Тимошенко уонна Кирилл Мерецков тутар чиэскэ тиксибиттэрэ. 1941-1942 сыллардаахха кинилэр хамаандаларынан Кыһыл Аармыйа өстөөх күүскэ кимэн киириитигэр бэриммэтэхтэрэ. 1943 сыллаахха сэрии хаамыытын уларытан, кимэн киирии, араас техника, бэлэмнэнии көмөтүнэн кыайыыгы маҥнайгы хардыылар оҥоһуллубуттара. 1945 сыллаахха Берлин куорат ылыллыбыта.
-
2
-
0
-
0
-
0
-
0
-
0
