Издательский дом Редакция Подписка
Погода в Якутске: . 23 oC

“Түмсүүлээх буолуу – тирэхтээх буолуу” диэн өйдөбүл баар. Кырдьыга да, оннук. Быйылгы сылга ахтылҕаннаах алтыһыылар, күүтүүлээх көрсүһүүлэр төһөлөөх элбэх киһиэхэ санааларыгар санаа, күүстэриэгэр күүс эппитэ буолуой?

“Түмсүүлээх буолуу – тирэхтээх буолуу” диэн өйдөбүл баар. Кырдьыга да, оннук. Быйылгы сылга ахтылҕаннаах алтыһыылар, күүтүүлээх көрсүһүүлэр төһөлөөх элбэх киһиэхэ санааларыгар санаа, күүстэриэгэр күүс эппитэ буолуой?

 Биир оннук улахан тэрээһин Бороҕоҥҥо буола турар. Хатас дьоно-сэргэтэ өрөспүүбүлүкэни кытта бииргэ буолан, биир да улахан тэрээһинтэн туораабакка, маппакка, барытыгар күүс-уох, сатабыл, бэлэм баарынан кыттыһан иһэбит. 

Саха Сирин норуоттарын VIII спортивнай оонньууларыгар, этэргэ дылы, бары хайысхатыгар барытыгар баарбыт. Култуура диэтэххэ --култуура, спорт диэтэххэ -- спорт, көмө-тирэх буолуу...

Аһыллыы церемониятыгар кыттыбыт Игорь Андреев туһунан кэпсээбиппит, бу суруйууга Хатастары ханна кими көрсүбүтүн НКИХ “Бэрдьигэс” студиятын кэрэспэдьиэнэ, биир дойдулаахпыт Михута (Михаил Мордовской) сэһэргээтэ:

михута

- Биир дойдулаахтарбын көрсөн, үөрүү-көтүү буола сылдьабын. Түбүктээх үлэ быыһыгар бириэмэ булан, син күлүмэх түгэнэ да буоллар, аҕыйахтыы тылы бырахсан ааһабыт.

Бэҕэһээҥҥи күҥҥэ үөрүүлээх сонунум – Вячеслав Павлов оҕунан ытыыга III миэстэ буолла. Кини Уус Алдан улууһун хамаандатын аатыттан кытынна. Бу көрүҥҥэ кэккэ сылларга сыаллаахтык-соруктаахтык дьарыктанан, күүскэ үлэлээн, норуоттар икки ардыларынааҕы кылаастаах маастарга тиийэ үүннэ.

вячеслав

Волейболга биһиги хатастар оонньуу да, судьуйалааһын да өттүгэр ааппытын ааттаппыт дьоммут. Бу да сырыыга оннук буолла. Арассыыйа Федерациятын волейболга маастара Семен Слепцов, Борисовтар, Решетниковтар династияларын чаҕылхайдара Людмила Моисеева,

моиева

Татьяна Афонина, Соловьевтар волейболистар дьиэ кэргэннэриттэн Светлана Шишкина кыра эрдэҕиттэн волейболга буспут-хаппыт Анатолий Татаев бааллар. Онтон Анатолий Чемерзанскай эр дьон волейболугар кылаабынай судьуйанан үлэлии сылдьар.

анатолий чесмеръ

Бүгүҥҥү күн түмүгүнэн Хатастан сылдар спортсменнар 3 мэтээл баар диэхпин сөп. Ох саанан ытыыга уонна волейболга Дьокуускай куорат хамаандатыгар баар Татаевтаах Слепцов аччаабыта үрүҥ көмүс, табылыннаҕына кыһыл көмүс мэтээллээх буолаллар.

***

Маны сэргэ СӨ остуол тенниһигэр федерациятын салайааччы Иванов Аркадий Никифорович Уус Алдан улууһун теннисистэрин салайан оонньотто, хамаанда бастыҥнар ааттарыгар ааттанна. Кини Хатаска бу көрүҥ сайдарыгар үтүө түмүктээх үлэтин бары да билэбит. Ол үтүөтүн иһин Хатас нэһилиэгин Бочуотун кинигэтигэр аата киирбитэ. Колымана Ларионова Горнай улууһуттан аэробикаҕа кытынна, Хатастааҕы 8 ПЧ үлэлиир Андрей Антонов Ньурба улууһун аатыттан остуол тенниһигэр күрэхтэстэ. Гаврил Саввин Бүлүү улууһун хамаандатыгар тренер быһыытынан кытынна. кытынна.

Наталья Руфова,

 Хатас 2022

  • 5
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением