Бу киинэ Уус Алдан улууһун дьаһалтатын сакааһынан оҥоһулунна. Режиссер биир идэлээхпит, суруналыыс Екатерина Бочкарёва.
Киинэни В.В.Никифоров - Күлүмнүүр аатынан "Тойон Мүрү" култуура дыбарыаһыгар олохтоохтор күргүөмүнэн кэлэн көрдүлэр. Ааспыт сайын ыытыллыбыт спортивнай оонньууларга бэлэмнэнии, кыттыы, күрэхтэһии түгэннэрин аны улахан экраҥҥа көрөн, уусалдаттар үөрүүлэрэ үрдээтэ, санаалара сэргэхсийдэ.
Мин эмиэ бу оонньууларга сылдьыбытым, биир дойдулаахтарым олус бэрткэ тэрийбиттэриттэн үөрбүтүм, киэн туттубутум. Итиэннэ маннык документальнай киинэ оҥорон, биир дойдулаахтарын, спортсменнары, ыалдьыттары, кыайыы өрөгөйүн үйэтиппиттэрэ олус үчүгэй.
-
1
-
1
-
0
-
0
-
0
-
0
