Издательский дом Редакция Подписка
Погода в Якутске: . 19 oC

Бүгүн Дьокуускай куорат 390 сылыгар анаммыт үөрүүлээх тэрээһин Опера уонна балет тыйаатырыгар буолла.

Бүгүн Дьокуускай куорат 390 сылыгар анаммыт үөрүүлээх тэрээһин Опера уонна балет тыйаатырыгар буолла.

Тэрээһин Дьокуускай историятын кэпсиир дьүһүйүүттэн саҕаланна: Бекетов кэлэриттэн саҕалаан, кэлэр кэм куоратыгар тиийэ көрдөрдүлэр.

390 1

Мээр Евгений Григорьев: “Куорат историята хас биирдии олохтооҕун дьылҕатын кытта ыкса ситимнээх. Бу 390 сыл устата үлэлээн ааспыт дьон үтүөлэринэн-өҥөлөрүнэн, бары күннэтэ киллэрэр кылааппытынан Дьокуускайбытын ирбэт тоҥҥо бастыҥ куорат оҥоруохпут”, -- диэн эттэ эҕэрдэ тылыгар.

390 2

Бу үөрүүлээх түгэҥҥэ Ил Дархан Айсен Николаевка “Дьокуускай куорат Бочуоттаах гражданина” ааты иҥэрдилэр.

трое 2

Маныаха Айсен Сергеевич олус үөрэн туран махтанна:

 --Дьокуускай куорат Бочуоттаах гражданина буолбуппуттан олус долгуйдум. Бу миэхэ сүҥкэн чиэс -- өрөспүүбүлүкэбит киин куората инникитин даҕаны сайдарыгар уонна олохтоохторун олоҕо тупсарыгар улахан эппиэтинэһи сүктэрэр наҕараада буолар.

Бастатан туран, бу наҕарааданы Дьокуускай куорат баһылыгынан иккитэ талыллан үлэлээбит сырам уонна куораты үчүгэй эрэ өттүгэр уларытарга кыһаллыбыт хамаандам үлэтин сыанабылын быһыытынан  ылынабын.

Бүтэһик уон сылга Дьокуускай сайдыытыгар туһуламмыт үтүмэн үлэ ыытылынна. Дьокуускай уһун кэм устата дьаалытынан сайдан, кэҥээн-тэнийэн,  улаатан кэлбитэ. Оттон оннук дьаалытынан дьаһаныы олохтоохтор ирдэбиллэригэр кыайан эппиэттээбэтэ чахчы. Баар чахчы уонна дьон-сэргэ баҕата наһаа улахан арыттаммыта. Ол билигин тэҥнэһэн эрэр.

Олохтоохтор кыттыылара суох тугу даҕаны ситиһиэ суох этибит. Дьокуускайга ураты көрүүлээх дьон олорор, кинилэр тылынан эрэ буолбакка, дьайыыларынан тапталлаах куораппыт сайдарыгар көмөлөһөллөр.

Күндү доҕотторум, эһиэхэ өйөбүлгүт, көххүт – субуотунньуктарга кыттаргыт, уопсастыбаннай хонтуруолгут уонна сонун идиэйэлэргит, көҕүлээһиннэргит иһин махтанабын!

Мин бигэ эрэллээхпин --  Дьокуускай 400 сылын бэлиэтиирбитигэр  Сахабыт Сирин киин куората аан дойду үрдүнэн ирбэт тоҥҥо тутуллубут саамай бастыҥ куорат буолуоҕар. Ону бары көдьүүстээх үлэбитинэн булгуччу  ситиһиэхпит.

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22